【Emily】新世界伙企業 推「智慧社區」過渡房 為住戶開STEM課 「緊急單位」援遭家暴者
[2023.07.19] 發表
【明報專訊】唔少新界過渡房屋選址偏遠，住戶入住後要買家俬買餸可能都有困難，喺新界有4幅過渡屋地皮嘅新世界發展噚日就宣布，同周大福慈善基金、微軟香港、HKT、Pricerite實惠4間機構或企業合作，打造全港第一個過渡房屋「智慧社區」，喺創新科技、教育、醫療、緊急支援上幫吓住戶，其中有專為有需要者而設嘅「緊急支援單位」，會免費提供家居寬頻、Wi-Fi、單位設計、基本家俬同家居用品等，新世界話目標係成為首個可以「拎篋入住」嘅項目。
緊急戶有免費Wi-Fi家俬等
新世界現時喺粉錦公路、新田、流浮山同天水圍有4個過渡屋頂目，合共約3000個單位會喺今年第四季至出年第四季入伙。新世界話，今次提供「緊急支援單位」嘅概念係首創，由周大福慈善基金率先捐400萬元成立，呢類單位由營運機構因應申請者特殊情况，例如遭遇家暴、家庭巨變、急需住屋嘅雙老或獨居長者等，按實際需要分配。
至於一般單位住戶都有着數，周大福嘅捐款會資助佢哋買基本電器，微軟同HKT就會喺過渡屋內設立「Innovation Hub」創新教室，捐出翻新手提電腦同平板電腦，仲會為住戶度身訂做STEM(科學、科技、工程和數學)課程。實惠亦會引入智能購物牆，住戶自助買完家居用品可免費送貨。
房屋局回覆話歡迎有關計劃，認為今次引證咗「政商民合作」善用社會資源，希望日後可以繼續匯聚民間力量、鼓勵機構發揮創意為過渡屋提供服務。
更多港聞
【明報專訊】教育局長蔡若蓮日前接受廠商會會長史立德嘅訪問，大談未來要喺教育做到「科教興國」，包括提升學生嘅科學能力，加強課程嘅創科元素，大力...
詳情
【Emily】放榜前返華仁幫師弟打氣 陳浩濂不忘講「經」
【明報專訊】DSE今日放榜，財庫局副局長陳浩濂噚日就返咗母校香港華仁書院同師弟打氣。佢同Emily講，每年都有返去同師弟交流，一方面想了解吓... 詳情
【Emily】議員訪廈門華僑大學 讚港生有抱負
【明報專訊】立法會外訪團由福州去到廈門，噚日去咗有超過2000個香港學生嘅華僑大學（廈門校區）同港生交流，聽吓佢哋喺當地生活同學習嘅情况。立... 詳情
【Emily】藝發局新場首展 探索黃竹坑都市傳說
【明報專訊】藝術發展局喺黃竹坑有新址，仲搞咗個全新多用途展廳「展藝館」。藝發局噚日開始至10月1日喺呢個位於黃竹坑Landmark Sout... 詳情相關新聞
