【Emily】做緊保養工程 高街舊精神病院 拱形遊廊9月開放
[2023.06.29] 發表
【明報專訊】立法會旅遊界議員姚柏良噚日喺立法會會議提出口頭質詢，關注政府以咩準則，決定係咪開放個別歷史建築畀公眾參觀，其中點名提到位於西營盤高街嘅舊精神病院立面，其拱形遊廊同下方嘅粗琢花崗石塊極具特色，但長期鎖上。發展局長甯漢豪回覆話，嗰度做緊保養工程，預計9月初完成後，會開放畀市民同遊客觀賞，而目前都接受團體申請拍攝嘅。
高街舊精神病院屬於早期巴洛克式地標建築，甯漢豪話，該建築喺2001年改建成西營盤社區綜合大樓，由中西區民政處負責日常管理，改建時保留咗建築嘅花崗石立面，2015年被納入法定古蹟。
政府擬推旅遊路線設計賽
姚柏良之後話，希望政府同旅遊業界建立機制，討論點樣善用具旅遊潛力嘅古蹟，開放更多有特色歷史建築，發掘更多景點。民建聯議員陳永光會上提議，政府應整合古蹟為主題旅遊項目，副文體旅局長劉震回應話，政府考慮7月推出旅遊路線設計比賽，鼓勵旅界開闢深度旅遊路線，其中主題包括文化古蹟、有國家歷史元素嘅精品旅遊路線等，希望借助業界眼光搵出適合旅客嘅路線。
更多港聞
議員改組草案今首讀 中大：未交校董會審 張宇人：與特首有共識 無收指示
【明報專訊】自由黨張宇人等3名身兼中文大學校董的立法會議員提出議員法案，修改中大校董會組成方式及提高聘任校長門檻等，今日在立法會首讀，惟內容... 詳情
【明報專訊】中學文憑試（DSE）下月19日放榜。放榜前，考生可透過學校推薦直接錄取計劃（SNDAS）經面試後獲大學取錄。本報向各院校查詢，港...
詳情
相關新聞
