• 2023.05.29
    星期一

【Emily】大學生助殘障家長子女 計劃再招人

[2023.05.29] 發表
香港傷健共融網絡推行嘅「賽馬會殘障家長子女支援計劃2.0」活動,噚日舉行發布會及新書《我的爸媽不「聰明」II》分享會,平機會主席朱敏健(後排左三)及立法會議員狄志遠(後排右二)出席支持。(馮凱鍵攝)

【明報專訊】香港傷健共融網絡2016年推出為期3年嘅「賽馬會殘障家長子女支援計劃」,2020年再推「計劃2.0」,6年間配對咗200多個殘障家庭同200多名大學生,為殘障人士嘅健全仔女提供學業同成長指導,並安排家長培訓、輔導服務等。新一期計劃將於8月招募參加者。

該計劃為因為失明、失聰、肢體殘障或精神健康狀况而喺履行親職時有困難嘅父母,配對大專生志願者「聰明使者」。共融網絡早前委託都會大學人文社會科學院公共及社會政策研究中心做成效評估,結果顯示,家長認為喺計劃中學到親子溝通技巧,亦同仔女更親近,整體生活同心理質素都顯著提升;受訪嘅仔女就認為過程中學識與人相處,自信同自尊心都有提升,亦認識咗更多朋友。

立法會社福界議員狄志遠話,𠵱家對殘障家長同佢哋嘅仔女支援不足,認為計劃可以填補服務空隙。平機會主席朱敏健認為,殘障者或因支援不足而影響子女嘅成長,令子女無法得到平等嘅教育及個人發展機會,相信計劃有助促進社會消除對殘障家庭嘅歧視。

更多港聞
【Emily】田叔叔見小讀者 「熱情粉絲」攬又錫
【明報專訊】為培養小朋友對英文閱讀嘅興趣,實政圓桌立法會議員田北辰(田叔叔)幾年前成立「田叔叔英語閱讀計劃」,向小朋友派發英文故事書及點讀筆... 詳情
【明報專訊】香港警隊憑住各類宣傳品喺國際年度設計大獎「ASTRID Awards 2023」奪得8個獎項,主辦方美國公司MerComm網頁近... 詳情
【明報專訊】青年協會青年研究中心成立嘅「青年創研庫」,喺3月29日至4月2日期間,以實地問卷調查方式訪問咗522個15至34歲青少年,了解年... 詳情
【明報專訊】規管電子煙等另類吸煙產品嘅法例舊年4月生效,時任食物及衛生局長陳肇始曾經力爭全禁轉運,但現屆政府運輸及物流局就提出,喺防止另類吸... 詳情
【Emily】家訪sell區會改制 現時有啲區議員 曾國衞批「搞搞震」
【明報專訊】政府今個月內向立法會提交區議會改革嘅修例草案首讀,民青局長麥美娟(圖右)、政制局長曾國衞(圖左)日前一齊到筲箕灣耀東邨家訪,宣傳... 詳情

明報網站 · 版權所有 · 不得轉載
Copyright © 2021 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992