【Emily】談捐器官、兩蚊車爭議 羅健熙：政府唔係靠惡就得
[2023.05.24] 發表
【明報專訊】特首李家超噚日話非常反對任何嘗試破壞器官捐贈呢個崇高嘅理念，又提到取消器官捐贈數字唔尋常，當中超過一半係冇登記過而取消，又話要求警方調查。民主黨主席羅健熙噚日就拍YouTube，做吓時事評論員，話有市民唔清楚器官捐贈嘅機制係可以理解，亦都有市民未必記得自己有冇登記，政府應該要向市民多解釋，而唔係凶神惡煞、義正辭嚴咁去處理，形容政府嘅語調係非常「趕客」，隨時因為咁嚇走本來想捐贈器官嘅人。
促多解說免人人自危
另外，對於李家超噚日提到要嚴厲處理濫用兩蚊乘車優惠嘅情况，羅健熙就認為政府應該講清楚所謂嘅濫用係邊類人，事關本身政策就有矛盾，長者可以兩蚊搭車，見車就上係好合理。佢自揭話學生年代因為爸爸係巴士司機，所以自己搭巴士免費，當時亦會為咗盡量減少等車時間而見車就上，認為類似嘅情况唔算濫用，而係善用，如果政府意指呢種行為係濫用，係非常錯誤，完全失焦。佢建議政府唔可以成日用負面字眼，應該要有清晰說法，同埋多解說，避免搞到社會上人人自危，擔心政府會對自己不利。
更多港聞
【Emily】612基金律師涉專業失當 「兩會」話仲查緊
【明報專訊】警方國安處舊年5月調查612人道支援基金期間，話留意到有律師同大律師涉嫌有專業失當行為，轉介兩個會跟進。事隔一年，律師會會長陳澤... 詳情
【Emily】校隊二擇一 少年楊潤雄取籃球捨綠茵
【明報專訊】文體旅局長楊潤雄主理體育事務，平時成日見佢去文體活動做主禮嘉賓，但佢斯斯文文，無點見過佢落場。民建聯立法會議員鄭泳舜噚日「兼職」... 詳情
【明報專訊】資助小學及中學做修葺工程，費用分別達3000元及8000元或以上，便可向教育局提交大規模修葺工程和緊急修葺工程申請津貼；今年3月...
詳情
STEAM添長洲特色 錦江小學辦機械人搶包山賽
【明報專訊】位於長洲的中華基督教會長洲堂錦江小學被「派0班」後，早前獲准下學年辦私立小一，希望日後繼續辦學。該校上周六（20日）舉行「小學機... 詳情相關新聞
