【Emily】2023選民登記 6?2截止
[2023.04.29] 發表
【明報專訊】2023年選民登記運動噚日展開，年滿18歲又通常居住喺香港嘅永久居民，持有身分證明文件就合資格登記成為地方選區選民，由即日起至今年6月2日遞交登記申請：新登記選民或要更新住址嘅現有選民，除非係住公屋，否則都要交埋住址證明。
選舉事務處呼籲，如果市民希望被納入今年9月發表嘅正式選民／投票人登記冊，又或者選民嘅住址同其他登記資料有變更，都要喺6月2日或之前通知選舉事務處。
另外，選舉事務處會喺登記期內查核選民嘅登記資料，收到查訊信件嘅選民，同樣須喺6月2日或之前回覆，而信件嘅面會印有「須立刻處理 與投票權攸關」字句。選舉事務處提醒，收到查訊嘅選民要盡快回覆，以保留選民登記資格。
更多港聞
相關新聞
