【Emily】錯國歌事件 田二少促先查港協 指政府要審核國歌指引有無缺失
[2023.04.13] 發表
【明報專訊】香港男子冰球隊2月底於波黑作賽時，主辦方賽後播國歌出錯引起軒然大波，港協暨奧委會批評冰球協會無跟足播國歌指引；其後香港冰球隊取得佳績，冰協獲得唔少輿論同情及肯定。實政圓桌立法會議員田北辰就有新觀點，叫政府先去調查港協，審核港協向屬下體育總會提供嘅國歌指引，究竟有無缺失漏洞，佢話如果唔搞清楚呢樣嘢先，就有可能「幫港協卸膊畀冰總(冰協)」。
田北辰話，冰球隊出賽時主辦方播錯國歌，冰協已經承認過失及道歉，算係孭起責任，「咁港協又係咪完全無錯？如果有做錯，港協又應該點呢？」田二少話唔應該未審先判，所以政府都應該去查吓港協。
港協就播錯國歌事件啟動暫停冰協會員資格程序，要求冰協最遲5月4日作全面書面解釋及提出企業管治改善方案。
今次事件，體育、演藝、文化及出版界議員霍啟剛就有雙重身分，既係港協副會長，亦係冰協榮譽會長。佢日前發表3月工作報告，如數家珍簡報工作，不過未見提及冰協事件。
霍啟剛工作報告詳列出席會議、睇演唱會
出席立法會會議係議員基本要求，霍啟剛喺工作報告都盡錄佢參加過嘅大小會議、出席嘅文藝活動，例如佢多次提及出席立法會大會續會、內會同財委會會議，睇張國榮紀念演唱會、參觀Art Basel、觀賞「國際都會高爾夫球錦標賽」等都寫入工作報告。
更多港聞
【Emily】「百分百擔保」壞帳飈 去年逾千宗涉24億
【明報專訊】政府喺新冠疫情下推出「百分百擔保特惠貸款」，以紓緩中小企嘅營運壓力，中小企借錢首年可以「還息不還本」，對中小企固然係好消息，但根... 詳情
【Emily】水上的士服務20月 總客量未過萬
【明報專訊】「水上的士」渡輪服務2021年7月首航，逢星期六提供一個航班經尖沙嘴東（尖東）來往紅磡與中環（紅磡-中環航線）；而配合西九文化區... 詳情
【Emily】海園樽鼻海豚Dumisa離世 終年18
【明報專訊】海洋公園噚日宣布，前日（11日）痛失18歲嘅雌性印度太平洋樽鼻海豚Dumisa。海洋公園話，Dumisa於2009年由南非抵港，... 詳情
【Emily】迪士尼幻想工程賽 港大生尋樹救地球掄元
【明報專訊】香港迪士尼樂園噚日公布「迪士尼幻想工程香港挑戰賽 2023」得獎名單，由香港大學隊伍拎到冠軍，佢哋將獲得喺迪士尼實習6至8個星期... 詳情
【明報專訊】升中「統一派位」階段開始，教育局根據今年2月估算，預計約5.06萬學生參加2023年度升中派位，而各區的學位供求有差異。有小學校...
詳情
相關新聞
