【Emily】改編真事 工權會話劇推廣職安 本月設兩業界專場 市民可網上報名
[2023.04.06] 發表
【明報專訊】近年有唔少嚴重或奪命工業意外，引起社會對職安健嘅關注，工業傷亡權益會舊年將一宗奪命工傷同家屬追討公道嘅真人真事，改編成為《顧己及人》職安話劇，一直喺多間學校巡演，今個月就特設兩場業界專場畀建築界、教育同社福界觀賞，推廣職業安全意識。
話劇改編自一宗奪命工傷，2012年8月28日23歲搭棚工阿球，從擎天半島60樓單位墮下身亡，佢嘅哥哥其後為細佬奔走尋找真相同追討公道，結果發現各種荒謬，發現唔少人都推搪責任。觀眾喺短短45分鐘嘅話劇可以認識何謂安全嘅吊棚、樓宇不良設計點樣影響日後維修、業主外判工程唔等於外判責任。話劇希望令大家思考，安全其實係所有人嘅責任，只要每個人多走一步，就能挽回多一條寶貴生命。
職安話劇由香港話劇團演出，至今舉辦咗超過20場，4月15日同29日分別係建築界、同埋教育及社福界專場，話劇後仲有座談會，有興趣市民可於網上報名(www.ariav.org.hk/drama)。
更多港聞
【Emily】旅局邀日韓台藝人宣傳 珉豪@SHINee港打卡
【明報專訊】香港同國際全面通關，旅發局今年首季邀請咗日、韓、台等地藝人同KOL來港宣傳，包括同韓國時尚雜誌Luxury合作，喺3月刊製作20... 詳情
【Emily】陳皓桓「霍格華茲城堡」著袍攞杖圓夢
【明報專訊】前民陣召集人陳皓桓（Figo）今年2月底出帖話拎咗特區護照，強調會去旅行，但唔會移民；最近Figo去咗旅行，同好多港人一樣於開關... 詳情
【Emily】清明前夕 楊何蓓茵浩園景仰園拜祭
【明報專訊】噚日清明節，公務員事務局長楊何蓓茵日前代表政府去「浩園」拜祭，悼念75位因公殉職嘅同事，向逝者獻上鮮花，致以最崇高敬意和哀思。楊... 詳情
【Emily】吳傑莊去成都樂山 了解農業旅遊結合發展
【明報專訊】立法會選委界別議員吳傑莊（圖）趁清明節連同復活節假期去咗四川成都、樂山，佢同Emily講，今次會睇當地嘅金融科技、農業科技、新農... 詳情相關新聞
