【Emily】主動公布 那打素牀頭燈組件鬆脫移位
[2023.03.13] 發表
【明報專訊】公立醫院近日意外連連，醫管局更被詬病無及時公布事故，至近日似乎事無大小都會先公布。大埔那打素醫院噚日公布，內科病房一支牀頭燈組件鬆脫和移位，無人受傷，病房運作維持正常。有病人組織認為，醫管局管理層近日承受唔少壓力，相信𠵱家對佢哋嚟講「冇嘢係小事」。
大埔那打素醫院公布，前晚(11日)約9點半接到職員報告，事發後即時透過「早期事故通報系統」，向醫管局總部呈報，工程人員噚日凌晨已完成檢查同維修牀頭燈，並會詳細調查成因，亦已安排檢查院內其他同類裝置，預計今日完成。
香港病人政策連線主席林志釉估計，醫管局短期內公布嘅事故必定愈來愈多，「報咗無harm(傷害)嘅」，由公眾決定事故嚴重程度，相反如無公布，「小事咪冇事，如果係大事就真係大件事」。港大學者薛達就喺社交平台話，如可負擔，購置醫療保險係負責任做法，又話公立醫院當然需要增加技術人手，但喺有限嘅工作空間、設備同訓練下，可加嘅人手都有限。
更多港聞
【Emily】屠海鳴蔡加讚李民斌 做政協專委會副主任
【明報專訊】全國政協常委會噚日召開會議，討論政協轄下嘅專門委員會主任及副主任名單。有8名港區政協將會出任專委會副主任，比較矚目嘅，包括經常喺... 詳情
【Emily】一比一劣居房 社協推「侷住體驗館」
【明報專訊】香港基層居住問題惡劣眾所周知，但未必所有人都親身體驗過。社區組織協會今年推出「侷住體驗館」，除展示「一比一」基層住屋實境，包括板... 詳情
【Emily】財委會主席：批款唔係議員「業績」
【明報專訊】立法會財務委員會每個年度會總結全年批出嘅項目同金額，唔少人會留意批幾多錢、用幾多會議時間批出撥款等，新接任財委會主席嘅陳振英（金... 詳情
【明報專訊】全面開關後，香港法律界都「走出去」推銷香港。副律政司長張國鈞（Horace）5日內去咗意大利、奧地利、瑞士同荷蘭歐洲四國，同多個...
詳情
相關新聞
