【Emily】最熟悉政治人物 李家超居首 民研調查：林鄭第二 唐唐陳肇始跌出十大
[2023.01.19] 發表
【明報專訊】香港民意研究所噚日公布市民最熟悉政治人物排名榜，發現最多受訪者提及嘅頭十個政治人物，依次為李家超、林鄭月娥、梁振英、董建華、葉劉淑儀、曾蔭權、鄧炳強、陳茂波、譚耀宗、李慧琼，而上年8月分別排第9位同第10位嘅陳肇始同唐英年(唐唐)就跌出榜外。
民研喺上個月5至9號用電話訪問咗1004個18歲或以上講廣東話嘅香港居民，喺冇提示下，頭三位依次為有48%受訪者提起嘅特首李家超、39%人提起嘅前特首林鄭月娥同26%人提起嘅全國政協副主席梁振英；排第10位嘅李慧琼就有9%受訪者提起。
梁振英董建華排第3及第4位
喺上年2月同類調查，當時有21%受訪者提起嘅李家超今次升幅最大，升27個百分點；相反，上次有66%受訪者提起嘅林鄭月娥，今次跌幅最大，少咗27個百分點。另外，上年2月仲排緊第16位嘅譚耀宗，唔知係咪呢排成日出嚟回答釋法提問，今次就有10%受訪者提起佢，較上年調查多咗5個百分點。
不過民研話，排名方法係以受訪者喺冇提示下講出嘅政治人物嚟計，係量度知名度嘅方法之一，強調同支持度無關，即知名度排名好高嘅政治人物，都唔一定係最受歡迎嘅政治人物；知名度排名偏低嘅政治人物，亦可能會喺有提示嘅知名度調查中得到唔同排名。
更多港聞
【Emily】梁美芬立會派曲奇 盼齊為劏房童打氣
【明報專訊】兔年就到，經民聯立法會議員梁美芬噚日送咗兩盒兔年曲奇餅畀一班議員食，但原來內有乾坤，盒入面除咗有大型兔仔曲奇同瓜子之外，仲有一張... 詳情
【Emily】兔年打卡位耀維港 添馬公園現「花海」
【明報專訊】大家諗好新春去邊度未呢？今年係連續第三年無舉辦新春花車巡遊，不過旅發局就推出「兔躍香港迎新春」活動，喺維港兩岸包括中環、金鐘、灣... 詳情
【Emily】煮咕嚕蝦球款待傳媒 蔡若蓮拿手菜鯪魚餅
【明報專訊】周日就係大年初一，教育局噚日喺中華廚藝學院舉行傳媒午宴，教育局長蔡若蓮、副局長施俊輝及局長政治助理蕭嘉怡即場下廚，炮製名為「嘻哈... 詳情
【Emily】12前政助團年飯 11人已離開政府
【明報專訊】唔少人都會趁過年同親朋好友見吓面，喺時任特首梁振英任內做過嘅一批政治助理前日食團年飯，有12人參加，都算齊腳，但得現任教育局副局... 詳情
【明報專訊】中國人民解放軍駐香港部隊司令員彭京堂少將、政治委員賴如鑫海軍少將噚日發表新年賀辭，話過去一年，駐軍完成以履行防務為中心嘅各項任務...
詳情
相關新聞
