【Emily】民建聯年度漢字：通 「呼應通關」「眾望所歸」
[2022.12.31] 發表
【明報專訊】民建聯噚日公布香港年度漢字評選2022結果，代表通關嘅「通」字以749票當選第一，幫手寫毛筆字公布嘅民建聯創會主席曾鈺成就話，「通」字奪冠唔意外，仲好合時，咁啱呼應咗政府之前公布恢復同內地通關。在場嘅民建聯立法會議員劉國勳亦話「通」字贏第一係「眾望所歸」，係市民咁耐以嚟嘅訴求。
第二係「疫」 仍然疫情主導
今次評選喺11月19日至12月22日進行，總共有2749個市民投票，喺10個候選漢字入面揀一個代表佢哋對今年嘅睇法，其中「通」字以749票排第一，其次係350票嘅「疫」字，兩者都同疫情有關。劉國勳又話今次結果反映「疫情仍籠罩住(香港)」，所以市民對今年嘅睇法仍然同疫情有關。
更多港聞
【Emily】談DQ前日子 郭榮鏗：車底發現過疑似跟蹤器
【明報專訊】公民黨前法律界議員郭榮鏗（Dennis，圓圖）已離港，佢近日接受路透社訪問話，2020年未離開立法會時，曾經喺座駕車底發現疑似跟... 詳情
【明報專訊】通訊事務管理局早前接獲投訴，話奇妙電視喺9月24號國際財經台嘅《晚間新聞》，錯誤播咗8月6號嘅新聞。奇妙電視向通訊局承認係人為錯...
詳情
【明報專訊】香港每年合法博彩投注額同馬會繳納博彩稅款額屢創新高，但平和基金委託港大進行嘅「香港人參與賭博活動情况」研究噚日發表報告，顯示港人...
詳情
相關新聞
