【Emily】律師會嘉許禮 彭韻僖所寫歌曲獲獎

香港律師會2022年度「公益法律服務及社區工作嘉許計劃」頒獎禮於本月12日舉行，當日邀請咗終審法院首席法官張舉能（右八）同律政司長林定國（左八）出席。律師會前會長彭韻僖（右三）作曲填詞嘅《Love for Hong Kong — 法治新一代》歌曲，獲「推廣『一國兩制』、《基本法》及法治傑出成就獎」。

【明報專訊】香港律師會喺上個星期一(12日)舉行咗「公益法律服務及社區工作嘉許計劃」頒獎禮，嘉許熱心提供公益法律服務嘅律師同律師行。呢個計劃本年度新增咗一個「推廣『一國兩制』、《基本法》及法治傑出成就獎」，獲獎項目包括律師會嘅「法律周」同「青Teen講場」，仲有由東區文藝協進會籌備、律師會前會長彭韻僖作曲填詞嘅《Love for Hong Kong — 法治新一代》歌曲。

嘉許計劃今年踏入13周年，接獲超過330份報名，參與嘅律師同律師行數目係計劃首年嘅5倍，有251名律師同36間律師行得獎。除咗設有「公益律師獎」同「公益律師行獎」，仲有8個傑出服務獎。今年由麥匡時律師獲得「傑出公益法律服務獎」，「傑出公益律師行獎」就由「德杰律師事務所」同「摩根路易斯律師事務所」獲得。

更多港聞

【Emily】港燈綠能比賽 「智能溫室」奪冠

【明報專訊】港燈連續8年舉辦「綠色能源夢成真」比賽，資助本地大專同中小學學生推出綠色能源方案。2021至2022年度比賽由文理書院學生憑項目... 詳情