【Emily】翻新完成 南丫島北角碼頭今啓用
[2022.11.14] 發表
【明報專訊】唔少人愛搭船去郊遊，政府近年推行「改善碼頭計劃」，提升新界同離島偏遠地方公共碼頭結構安全，及改善碼頭配套設施，經翻新後嘅南丫島北角碼頭(圖一)今日啟用，成為首個完成改善工程嘅項目。新碼頭增添咗唔少設施，例如上蓋、太陽能發電板、斜道，仲有Wi-Fi、飲水機同埋充電設施。
船可側靠泊岸 欄杆「丫」形設計
發展局長甯漢豪噚日發表網誌介紹項目，土拓署工程師(改善碼頭工程組)羅梓馨話，新碼頭提供兩個更長嘅靠泊位，可以畀渡輪側靠泊岸，靠泊位亦設有減浪板，提升靠泊船隻穩定性，令乘客上落更安全方便。新碼頭工程並廣泛應用混凝土預製件，可減低潮汐對工程進度嘅影響。
土拓署工程師(改善碼頭工程組)李學儀話，為配合周邊環境同善用自然光，碼頭上蓋用咗強化玻璃配搭環保木條；欄杆並設計成「丫」字以代表南丫島。
新南丫島北角碼頭附近嘅南丫島家樂徑，連接咗島上唔同景點，包括北角嘴、燈塔、北角山、南丫風采發電站嘅風車、榕樹灣、索罟灣、模達灣。土拓署今日到下月11日會喺碼頭舉行為期4星期嘅展覽，除咗有展品同佈景板，亦會派紀念品，有興趣去南丫島嘅市民到時不妨留意吓。
更多港聞
【明報專訊】嚟緊嘅星期日（20日）係「長者日」，為咗向老友記表達關懷同敬意，社會福利署籌辦「長者日消費優惠」活動，邀請本地飲食及零售業界喺當...
詳情
【Emily】峇里B20峰會 黃英豪梁熙盼說港故事
【明報專訊】國與國之間嘅G20峰會本周喺印尼峇里舉行，同期亦有商界民間嘅B20峰會。民建聯立法會議員黃英豪及梁熙已去咗峇里參加B20峰會，梁... 詳情
【明報專訊】香港要踏上復常之路，近期各類盛事紛紛復辦，廠商會舉辦「廠商會工商體育邀請賽」，但過去兩年幾喺新冠疫情下都被迫停辦，隨着疫情逐漸受...
詳情
相關新聞
