【Emily】醫輔隊升職 黃俊碩三粒花
[2022.10.12] 發表
【明報專訊】民建聯會計界議員黃俊碩(Edmund)近日「升呢」，收到升職信。其實Edmund參加醫療輔助隊都20年，前日喺嘉許儀式上晉升「三粒花」，屬七級架構中嘅第五級長官職級。Emily問佢三粒花算唔算高級，佢講笑話算係高層職位裏面嘅最低層，以佢年資係正常級別。佢話今後職責會較多做小隊隊員嘅培訓，但大時大節活動例如單車賽、馬拉松等，佢都會爭取機會做前線救傷工作。
Edmund本身做會計，仲做埋立法會議員，話近年真係忙咗，但話醫療輔助隊要求隊員每年訓練出席率60％，服務時數不少於16小時，都唔算要求好高，佢基本上都做到。佢話喺升職禮，部門首長引用電影名句，話能力愈大、責任愈大，訓勉升級嘅同袍喺新崗位要克盡己任，先會得到市民嘅信賴同支持。Edmund話好認同，做救傷工作或議員都應該係咁。
更多港聞
「不尊重升旗」 受罰生呼冤 有同學支持懲罰 促反省
【明報專訊】荃灣聖芳濟中學上周舉行升旗禮，14名學生被指作出「不尊重升旗禮儀式的行為」，遭校方勒令停課3天。本報昨日在校外接觸數名該校學生，... 詳情
【明報專訊】據中大醫學院研究顯示，每7名40歲以上的港人，就有1人其中一隻眼睛出現輕度低視力或更嚴重問題。中大醫學院院會聯同何善衡慈善基金會...
詳情
相關新聞
