【Emily】創院百周年搞歷史展 養和院長讚盧寵茂「好指揮官」

「養和百年歷史展」嘅展館內，可見舊款嘅護士制服，亦有好多圖片講述養和百年來嘅發展歷史。（林靄怡攝）

「養和百年歷史展」展出嘅文物，包括早年嘅手術室工具，圖後方係皮膚縫合器，左邊長形工具係扁桃腺勒除器，用嚟切除扁桃腺時止血用，右方交叉狀工具就係膀胱牽開器，最前方就係楊克氏吸管，用嚟抽走口腔內嘅血液同口水。（林靄怡攝）

【明報專訊】新冠疫情下，13間私家醫院幫忙接收公立醫院嘅病人，醫衛局長盧寵茂之前就多次質疑私院收症數目唔多理想，其後經醫管局跟私院周旋，轉介率提升咗。養和醫院院長李維達噚日喺「養和百年歷史展」開幕禮致辭，就盛讚主禮嘉賓盧寵茂係協調各方抗疫嘅「好指揮官」，又話佢之前作為大學教授，多年嚟緊密與大學合作，亦非常熟悉公營醫療系統同私家醫院運作，形容佢作為抗疫領導，識得「所有地方」嘅事。

曾質疑收新冠患者少 盧讚私院積極

盧寵茂之後致辭就話，抗疫兩年幾嘅主要壓力都喺公院，透過各方努力，尤其係私院積極參與，先減輕咗公院負擔，強調「只要我哋醫療復常，香港先可以走出疫情，能夠真真正正復常」。養和醫院成立100周年，即日起會喺香港醫學博物館舉辦歷史展，首度展示多件文物，包括早年使用嘅手術室用具等。

另外，正身處羅馬嘅天主教香港教區主教周守仁噚日喺facebook透露，佢上周四(8日)快測陽性，之後喺房間隔離，病情唔嚴重，不過噚日快測仍然陽性，估計唔可以如期下周二返港。

更多港聞

【Emily】英王繼位 御用大狀QC轉KC

【明報專訊】英王查理斯三世繼位之後，除咗英國國歌要改歌詞，銀紙、郵票等要印過，當地「御用大律師」嘅銜頭都要由Queen's Counsel（... 詳情

【Emily】詐騙廣告盜李家超照 警方跟進

【明報專訊】過往不時有騙徒用官員或名人嘅相，配上訪問內容行騙，扮到真訪問一樣，之前財政司長陳茂波都中過招，今次就輪到特首李家超。近排喺網上有... 詳情

【Emily】世界清潔日 歐盟辦事處去海灘執垃圾

【明報專訊】今日係世界清潔日，歐盟駐港澳辦事處同港大太古海洋科學研究所合作，噚日同各歐盟成員國駐港領事代表，帶埋屋企人一齊，去咗出名多垃圾嘅... 詳情

【Emily】嘲男生英文名女性化 補習名師捱轟後致歉

【明報專訊】數學補習名師許思明（Dick Hui）前日喺Instagram話早前去學校演講，有男同學介紹自己係Liana，佢質疑係女仔名，問... 詳情