【Emily】水上掛明月 佐敦谷、啟德辦「河道活化」綵燈會

渠務署喺佐敦谷水道同啟德河舉辦中秋綵燈會，營造節日氣氛及展現河道活化嘅生物多樣性元素。圖為佐敦谷水道嘅巨型月亮綵燈。（渠務署圖片）

圖為維園展出嘅7米高大型綵燈《雙星伴月慶團圓》，中式帆船載住康文署吉祥物「活力仔」及「思文喵」，由本地紮作藝術家許嘉雄創作。（政府新聞處）

圖為文化中心露天廣場設置嘅光影藝術裝置《無間擁抱》，將展出至9月25日。（政府新聞處）

圖為東涌文東路公園嘅燈飾，以滿園繁花綵燈帶畀市民色彩繽紛嘅樂園。（政府新聞處）

【明報專訊】周六係中秋節，康文署聽日至下周一(7至12日)舉辦壬寅年中秋綵燈展，多組綵燈將於3個場地(維多利亞公園、東涌文東路公園、大埔海濱公園)展出；至於現正喺文化中心露天廣場設置嘅光影藝術裝置《無間擁抱》則會展出至25號。

上述場地嘅亮燈時間為每晚6點半至11點，中秋節(10日)當晚亮燈時間延長至午夜12點，不過因應新冠疫情，將不設表演同文娛活動項目。

康署3區綵燈展 不設表演

當局「溫提」，市民前往欣賞燈飾時須做好防疫措施，佩戴口罩(包括拍照時)，入場前接受體溫測量，並保持適當社交距離。

另外，渠務署噚日起至本月18號喺佐敦谷水道同啟德河舉辦以「中秋明月」及「河道活化」為主題嘅中秋綵燈會。以往市民喺觀塘海濱見到月亮燈飾，今次渠務署就喺河道上放置巨型月亮綵燈，並於兩旁懸掛雀鳥造型綵燈，佐敦谷水道嘅拱門步道則增設咗燈飾同銀杏葉裝飾。

更多港聞

【Emily】月尾會展潮州節 有「一蚊魚蛋」同「雲旅遊」

【明報專訊】香港人口約730萬，當中有100多萬潮州人。香港潮屬社團總會今個月22日起，一連5日喺會展搞「香港潮州節」，全場有130多個攤位... 詳情

【Emily】同義工局電車打卡 有得換薯片

【明報專訊】唔少fans會幫偶像搞應援，包括喺巴士、電車買車身廣告，義務工作發展局噚日都喺屈地街電車廠搞咗個「行義電車」啟航儀式暨巡遊活動，... 詳情