【Emily】劏房戶為子置二手鋼琴 鄧炳強探訪讚得獎爭氣

保安局長鄧炳強去觀塘探劏房戶，其中一戶嘅陳同學獲媽媽買咗一台二手鋼琴，可以在家練習。（鄧炳強facebook圖片）

保安局長鄧炳強（右二）噚日同紀律部隊團隊等探訪觀塘劏房戶，話為佢哋提前送上中秋節祝福。（鄧炳強facebook圖片）

【明報專訊】新一屆政府話要處理跨代貧窮問題，司局長不時落區探訪基層，保安局長鄧炳強噚日就去觀塘探劏房戶。安排官員探訪嘅觀塘區議會主席柯創盛(柯仔)話，其中一戶一家四口住劏房，大仔彈樂器有天分，雖然家境一般，但媽媽死慳死抵都要買一部二手鋼琴畀囝囝，鋼琴已佔斗室近半空間，而小朋友都好叻，喺校際比賽拎到冠軍。柯仔話，小朋友就讀嘅學校有支援教樂器，等佢可以喺屋企練習；又指呢個住戶已申請公屋幾年，最大願望係盡早上樓。

鄧炳強都話對彈琴小朋友嘅故事感受深刻，話呢家人喺生活面對好多挑戰，但正面樂觀，而囝囝亦好叻好爭氣。

今次探訪活動陣容算龐大，鄧炳強拉埋海關副關長陳子達、入境處副處長郭俊峯，以及觀塘民政事務專員林兆康等人，去探區內4個劏房戶，柯仔話未來會繼續邀請唔同官員落區。佢又話政府提出嘅「共創明『Teen』計劃」，以師友方式幫助劏房兒童係好事，如噚日獲探訪嘅住戶，都想子女可參加；但佢指呢項計劃只有一年期，應持續跟進去做。

更多港聞

【Emily】安老「三座大山」 林正財話「人」最難搞

【明報專訊】早前卸任安老事務委員會主席嘅行政會議成員林正財，最近接受中新社專訪，大談點樣應對安老服務嘅三座大山，即係「錢」、「地」、「人」。... 詳情

【Emily】排除萬難 傷健者組團遊墨爾本

【明報專訊】傷健人士雖然行動不便，但都能夠衝破身體限制，暢遊世界。基督教靈實協會將軍澳及西貢地區支援中心前年10月推出由公益金撥款資助嘅「舒... 詳情

【Emily】民安隊結業會操 升旗用中式步操

【明報專訊】民眾安全服務隊（民安隊）噚日喺總部舉行第84屆新隊員結業會操，由民安隊副處長（行政）林國興擔任檢閱官。今屆共有86名隊員參與結業... 詳情

西貢幼小教育博覽復辦 主辦方冀招生良性競爭

【明報專訊】明年9月讀幼稚園及小學的選校期開始，西貢區校長會過去兩日舉辦「西貢區學前教育及小學教育博覽2022」，區內32間幼稚園及18間小... 詳情

亞太機械人大賽 中大再奪冠

【明報專訊】中大工程學院機械人團隊於國際賽事「亞太廣播聯盟機械人大賽2022」線上比賽取得冠軍，繼2019年後再次為香港奪得金牌獎座。中大團... 詳情