【Emily】李國棟做安老委會主席 卸任林正財：安老工作唔會停

【明報專訊】政府噚日宣布委任香港聖公會福利協會主席、醫生李國棟(圖)做安老事務委員會主席，接替已經做咗6年主席嘅行會成員林正財，今個月30號生效。林正財(Dr. Lam)喺過去20年都喺安老事務委員會，先後任委員、副主席同主席，佢同Emily講，雖然日後唔喺安老事務委員會，但安老事務嘅工作唔會停！

李國棟係香港聖公會福利協會主席同埋世界家庭醫生組織前主席，佢亦係禁毒常務委員會主席、基層醫療健康發展督導委員會委員。

林正財話下周會同埋李國棟一齊見記者，交流心得。至於臨將卸任嘅感想，Dr. Lam話由20年前社會大眾唔關注安老事務，例如人口老化咁都唔係太多討論，去到𠵱家普羅大眾都對安老政策有興趣，冇社會支持，政府都唔會投入咁多，佢認為呢樣係最大變化。佢又話，之後會繼續關注民生、貧窮問題，佢現時係可持續發展委員會主席，環保問題都係佢繼續關注嘅事項。

話冇社會支持 政府唔會投入咁多

勞福局長孫玉菡話衷心感謝林正財，令政府多項安老政策新措施得以逐步落實推行，特別係《安老服務計劃方案》嘅建議。孫局長又話，新加入嘅李國棟同浸大社會科學院院長黎永亮喺長者事務方面有豐富經驗，喺各自領域都係專家。

更多港聞

【Emily】蔡若蓮定字勉放榜生

【明報專訊】下周三（20日）就係DSE放榜，今年考生嘅高中生涯大部分時間喺新冠疫情中度過，之前仲有反修例運動，3年來嘅挑戰都好大。教育局最近... 詳情

【Emily】特首上任3赴創科活動 譚鐵牛：感天天去

【明報專訊】香港科技創新聯盟噚日舉行成立儀式，特首李家超、中聯辦副主任譚鐵牛、創新科技及工業局長孫東等出席，李家超致辭時提到自己上任15日，... 詳情