【Emily】無人接手 FCC主席話冒險留任
[2022.06.07] 發表
【明報專訊】香港外國記者會(FCC)早前停辦人權新聞獎，主席瑞凱德(Keith Richburg)做法引起爭議。Keith喺民主黨劉慧卿嘅網台節目話，如有會員唔鍾意佢嘅處理方法，可以出嚟選主席，又吐苦水話其實駐港嘅各大外國傳媒怕得罪內地，唔肯派人做FCC主席、副主席，搞到要四出請人先湊夠董事，形容自己係冒住風險留任主席。佢又反擊先前辭職抗議嘅新聞自由小組成員，話佢哋唔似FCC董事會要承擔風險，反問：「如果要坐監，仲會唔會繼續頒獎？」
停辦人權新聞獎
瑞凱德拒認事前匯報公署
被問及FCC公布決定前有無見過外交部駐港特派員公署，Keith否認，話自己只喺出聲明當日打過畀唔同嘅人，告知有咁嘅決定，對上一次見公署已經係因為去年底FCC就立場新聞案出聲明一事。
Keith回覆Emily查詢時就話，FCC於4月25號傍晚公布停頒新聞獎決定，自己差唔多同一時間、大約下晝5點用Zoom同公署傾咗約5分鐘。佢話事前匯報一說係「發噏風」(full of shit)，強調FCC唔係反政府組織，同公署一向有溝通，唔會當公署係敵人。不過，兩名知情者早前告知Emily，話Keith係當日朝早打畀公署。
Keith喺節目向卿姐話，香港今時今日環境下做事方式有別過去，FCC會繼續為新聞自由發聲，但會用尊重方式(respectful)表達。「我哋希望幫手解決、而非製造問題，我哋唔係倡議組織、唔係人權組織，都唔係民主派反對派一部分。」
更多港聞
【明報專訊】立法會上個禮拜討論改革公務員制度議案，席間有議員批評公務員喺第五波新冠疫情表現未如理想等，香港公務員總工會噚日發出「嚴正聲明」，...
詳情
【明報專訊】上星期六係六四事件33周年，亦係支聯會解散後嘅第一個六四，在獄中嘅前支聯會主席李卓人點起火柴悼念，前支聯會副主席鄒幸彤（阿彤）因...
詳情
【Emily】新Hall組件 港大遙距監控兼省錢
【明報專訊】香港大學黃竹坑學生宿舍正在動工，包括兩座17層高嘅宿舍，提供1224個宿位。項目以組裝合成方式興建，當中約1000個組件喺廣東省... 詳情
【明報專訊】月底離任嘅特首林鄭月娥，噚日出席本屆政府任內最後一次人力資源規劃委員會會議。佢寄語下屆政府繼續加強便利內地及海外人才來港工作，同...
詳情
相關新聞
