【Emily】2018曾稱被強加罪名現無此罪 曾德成：煽動罪保留否同反殖「兩回事」
[2022.05.09] 發表
【明報專訊】候任特首李家超講明，將會推動《基本法》23條立法，現屆政府曾話須同時研究「激活」現有法例，例如煽動罪呢類港英時代留下嘅罪行。Emily噚日喺會展投票票站外，見到民政事務局前局長曾德成，佢喺學生年代因被殖民政府控「煽動罪」而入獄兩年，曾德成話唔評論立法工作，但話保留煽動罪與否，同佢當年反對殖民主義「根本兩回事」。佢仲反問：「你贊唔贊成反對殖民主義先？你贊唔贊成香港回歸先？你贊唔贊成一國兩制先？」
翻查資料，曾德成2018年接受過《信報》訪問，當時強調當年派傳單完全非暴力，罪名強加於佢身上，並批評控罪係殖民管治違反人權，稱現時無此罪，「《基本法》下有言論自由、表達自由，何來派發煽動性傳單？」
李家超林鄭分別？ 吳永順：男同女囉
部分到會展投票嘅選委都有精警言論，建測規園界選委吳永順被問到李家超與現任特首林鄭月娥嘅分別，吳永順就話「男人同女人囉」。曾同李家超及林太共事嘅另一民政事務局前局長劉江華就唔評論，只係話「過去係點，就過咗去」，期望大家向前睇。
更多港聞
【Emily】母親節謝母愛 管牧：稍後先傾陳同佳案
【明報專訊】政界噚日除咗關注特首選舉，唔少人都喺社交媒體談及母親節，其中選委會立法會界別議員管浩鳴上載兒時同媽媽嘅合照，話「感恩無私的母愛」... 詳情
【Emily】2000張「正射影像」製成 新《香港街》影像地圖主題 校正「傾斜」建築
【明報專訊】過去有所謂「路在口邊」，但自從一機在手，地圖嘅地位躍升，成為生活不可或缺嘅工具。地政總署測繪處除製作傳統嘅二維紙本地圖《香港街》... 詳情
牛津劍橋等港生當mentor 指導面試申獎學金 過來人組團教路報英名校 盼基層生一試
【明報專訊】留學學費及住宿開支不菲，本港基層學生或望而卻步。2017年創辦的昇普計劃（Access Abroad Hong Kong），由一... 詳情
【明報專訊】嶺南大學宣布，新冠疫情趨穩定，大學決定夏季學期（Summer Term）起恢復面授教學，而研究生課程即時恢復面授或混合模式。嶺大...
詳情
相關新聞
