【Emily】張國鈞吳傑莊快測劑口罩捐母校

[2022.04.20] 發表

【明報專訊】小學噚日起分階段復課，學生返學前要先做檢測，兒時喺屯門長大嘅立法會議員張國鈞同吳傑莊，聯同屯門區議會主席陳有海等，噚日朝早去兩個議員嘅母校樂善堂梁黃蕙芳紀念學校同台山商會學校，捐贈一批快速檢測劑同兒童口罩畀有需要嘅師弟師妹，幫佢哋加油打氣。

張國鈞囡囡未參加過學校運動會

其實疫情都幾影響學生成長，張國鈞話阿囡今年讀小三，但都未參加過學校周年運動會，雖然噚日只係恢復網課，囡囡都好興奮，大清早5點幾就起身換好校服準備上堂。

吳傑莊關注學生學習進度同埋失去嘅校園生活，雖然𠵱家學生要提早起身快測，但為免疫情反彈，希望大家謹慎防疫，畀學生回復正常校園生活，彌補過去兩年失去嘅學習經歷。

更多港聞

【明報專訊】如果你用八達通攞消費券，可能唔知仲有幾多餘額未攞，事關八達通有3000元儲值上限，加上張卡餘額本身有零頭，邊個會咁神心記住第一次... 詳情