【Emily】免群眾聚集 與「小人婆」達共識 今年驚蟄,無得打你個小人……
[2022.03.04] 發表
【明報專訊】疫情嚴峻，政府嚴捉群組聚集，噚日出稿話「驚蟄」將至，為免大量市民「進行驚蟄打小人活動」而造成群組聚集，灣仔區議會主席同當區民政處已同相關行業主要經營者達成共識，「驚蟄」期間唔營業，又話警方同食環署期間會嚴厲執法。
睇番資料，舊年「驚蟄」都係3月5日，打小人勝地銅鑼灣鵝頸橋底當日人頭湧湧，有傳媒報道話巿民打小人要排隊兩個鐘，今年此情不再。
教局300人支援封區檢測工作
另外，教育局長楊潤雄噚日喺facebook話，教育局已召集約300名同事，組成支援隊，加入前線做社區強制檢測行動嘅組織統籌工作。佢又提到局方已經為稍後嘅全民強制檢測做準備，用作檢測中心嘅官立學校，亦會有校內人員提供支援。
楊局長話，噚日完成嘅青衣美景花園第11座強制檢測行動，由80名教育局同事嘅團隊一手包辦所有籌備工作，包括從採購物資、安排運輸，到處理數據同聯絡唔同單位。佢話聽隊員講，行動中有唔少挑戰，部分居民需要特別協助，例如協助患有腦退化症嘅伯伯做檢測、為行動不便嘅老人家作有序安排，令佢哋免受排隊之苦等。
更多港聞
【明報專訊】第五波疫情下，唔少確診者要居家隔離。港大法律學院首席講師張達明噚日喺facebook發文，推介在家確診者可以服用「薑番薯糖水」，...
詳情
【明報專訊】本港疫情屢見新高，唔少外籍人士心郁郁想返老家。據Emily打聽，瑞士總領事館近日就向居港瑞士人發電郵，話瑞士航空會喺下禮拜一安排...
詳情
【Emily】19議員招募義工 護老院照顧長者
【明報專訊】第五波疫情下，各方發起唔少「自救」行動，19名立法會議員就發動「感召義工齊護老計劃」，招募義工去護老院幫手照顧長者。現時唔少院舍... 詳情
【Emily】We Fight the Virus! 重出江湖
【明報專訊】政府喺抗疫傳訊上備受批評，有眼利網民留意到，原來噚日晏晝4點半抗疫記者會再次「重用」先前常用嘅「全城抗疫 萬眾一心」（Toge... 詳情
相關新聞
