【Emily】疑在英國 民主黨蘇逸恒透露染疫

民建聯立法會議員劉國勳（右）噚日去保榮路體育館檢測站視察，花約15分鐘完成檢測。佢話其後到場市民多咗，要排約一個鐘，而同區嘅其他檢測站要排足3個鐘。（劉國勳facebook圖片）

【明報專訊】疫情肆虐，傳身在英國嘅民主黨前中委蘇逸恒喺facebook上載一張英國國民保健系統(NHS)檢測陽性結果嘅截圖，透露自己曾經核酸檢測結果呈陽性，並有鼻水、咳嗽及疲累等症狀，但症狀喺6日內大致消退。蘇喺帖中話，2月2號開始覺得喉嚨有啲痕，之後開始咳嗽、忽冷忽熱。本身打咗3針嘅佢形容「比較像輕微冷傷風談不上感冒，但是比傷風Recover的時間長一點點」。

劉國勳檢測 倡實時更新排隊人數

民建聯劉國勳噚日就嘗試咗「撩鼻」做檢測。佢同Emily講，由於自己地區辦事處喺納入強制檢測嘅粉嶺雍盛苑雍華閣地下，為保險計就去做檢測，過程15分鐘完成，但鄰近嘅檢測站就要排3個幾鐘。佢認為，政府資訊發布做得唔好，應該實時更新檢測站排隊人數，等市民可以自動分流。

新民黨李梓敬就留守喺有兩棟樓要圍封強檢嘅美田邨嘅互助委員會內，又上載圖片話，自己為中午只獲發杯麵嘅居民，「成功爭取」到有排骨菜同白切雞飯。

更多港聞

【Emily】冼國林：諸葛亮出茅廬前都無經驗

【明報專訊】特首參選人、建制KOL冼國林噚日出席外國記者會（FCC）午餐會，回應外界質疑佢欠缺管治經驗，佢話諸葛亮初出茅廬前都無任何經驗。冼... 詳情

【Emily】賣開本地菜 羅庭德：唔加價

【明報專訊】近日接連有跨境貨車司機喺內地確診新冠，令文錦渡貨運受阻，入口本港蔬菜價格飈升，一直跟進事件嘅北區區議會主席羅庭德噚日喺faceb... 詳情