【Emily】羅冠聰著作入圍英議會文學獎 CY諷將來可攞諾貝爾
[2022.02.04] 發表
【明報專訊】噚日大年初三赤口，流亡海外嘅前香港眾志主席羅冠聰同全國政協副主席、前特首梁振英(CY)又喺網上交鋒。羅冠聰去年11月出版英文著作Freedom: How we lose it and how we fight back，入圍今年「英國議會文學獎(Parliamentary Book Awards)」，成為「非議員撰寫最佳政治書籍」類別嘅4本候選作品之一。CY就喺facebook回應羅嘅作品入圍，形容「羅冠聰是城門水塘的馬騮仔，不是孫悟空」，又諷刺對方不僅可獲書商嘅文學獎，將來仲可以攞諾貝爾文學獎。
羅冠聰喺facebook表示，自己第一本英文著作就能夠入圍備受政壇書商關注嘅文學獎，感覺難以形容，認為能夠令香港人嘅故事被世界看見，係佢嘅榮幸；頒獎典禮將於3月喺倫敦西敏寺議會舉行，由議員投選佢哋心目中嘅最佳書籍。「英國議會文學獎」由當地嘅書商協會同出版人協會自2016年起合辦，每年選出最佳政治書。
議員投選 下月西敏寺議會頒獎
CY就話羅冠聰只係被「外江佬」帶走、耍馬騮戲向途人要錢嘅馬騮，冠以「齊天大聖」藝名，但唔係孫悟空。
更多港聞
【Emily】45小動物誕生 「海園45周年最佳禮物」
【明報專訊】踏入虎年，海洋公園亦迎來45周年，園方噚日宣布，有45隻小動物喺農曆新年前出世，包括21隻巴布亞企鵝、3隻南跳岩企鵝、1隻國王企... 詳情
【Emily】派新冠測試套裝 署理民政局長陳積志出動
【明報專訊】疫情嚴峻，包括多區污水監測都呈陽性結果，3名局長噚日出動向市民派發快速測試套裝。民政事務局署理局長陳積志（右）喺大埔民政事務專員... 詳情
【明報專訊】早前宣布參選特首嘅冼國林公布政綱第二部分，佢曾質疑教育局失職、教育失敗導致反修例運動，其政綱有多項教育改革建議，包括將國民教育列...
詳情
相關新聞
