【Emily】平機會：勿因染疫者背景歧視全社群
[2022.01.25] 發表
【明報專訊】本港爆發第五波疫情，平等機會委員會主席朱敏健噚日撰文提醒市民，唔好因為染疫者嘅背景而歧視整個行業或社群，話佢哋都係病人，只係群體中嘅個別人士，唔代表整體，絕對不應受到唾棄或被視為罪人，希望大眾冷靜面對疫情信息，唔好將傳播鏈無限伸延、指摘同排斥無辜者，否則對防疫絕無幫助。
朱敏健話，過去出現過跳舞群組、外傭群組、酒吧群組等，如今又有機艙服務員群組、寵物店群組、巴裔婦人群組等，幾乎每次都見到有關行業或族裔嘅成員受到不同程度嘅排斥同壓力；今輪疫情，有倉鼠主人受訪時話如果唔棄養就唔可以返工，另有南亞裔社群向佢話，擔心相關傳播鏈嘅廣泛報道會加深市民對佢哋嘅歧視。
朱敏健：盼媒體留意措辭會否標籤
佢指追蹤傳播鏈講求快、精、準，指向絕不能含糊，傳播鏈嘅命題亦難免與染疫者背景有關，無奈相關報道可能影響整個群體，令一啲市民將呢啲社群與種族嘅所有人聯繫上「播疫」等字眼，成為偏見、歧視嘅種子，盼當局同媒體喺報道時留意措辭會唔會對整個群體帶來負面標籤，或提醒市民唔好將個別個案嘅處境錯誤理解為相同背景者共有，否則只會徒添恐慌。
更多港聞
【明報專訊】數碼港聯同民政事務局上年推出「青年初創實習計劃」，向青年提供30個實習機會，收到511份求職申請，平均17人爭一個位。數碼港噚日...
詳情
【Emily】將向劏房戶派口罩 「凝聚民心」促精準扶貧
【明報專訊】立法會議員梁美芬成立嘅組織「凝聚民心」，噚日同選委會界別另外6名議員管浩鳴、江玉歡、鄧飛、黃元山、吳傑莊、林智遠見記者，話會一齊... 詳情
指學生會惹鼠患未交帳 城大：不排除收址禁用校名
【明報專訊】城大學生會發公告稱「正面臨創會以來最大危機」，引述校方3項指控，包括會室鼠患橫生、有人違規使用，以及未提供2005至2020年度... 詳情
相關新聞
