連續3日發燒周身骨痛 林子博英國確診 居家隔離憂仔女中招
【明報專訊】林子博去年8月帶一對子女移居英國在曼城展開新生活，近日英國持續受新冠變種病毒Omicron肆虐，林子博也「中招」，昨日他在社交平台留：「中咗！無喉嚨痛、有味覺、唞氣正常。連續3日燒到39℃、發冷同周身骨痛！#快速檢測 #陽性」。他又拍YouTube片段，說：「我不幸地染病了?COVID-19？Omicron？」目前他在家隔離。林子博表示跟子女抵英後已接種第一劑疫苗。
娛樂組
林子博詳述確診經過，表示於1月7日晚(英國時間)已覺得不適，有沾寒沾凍、發燒的感覺，吃了感冒藥與探熱，體溫超過38度，他第一時間做病毒快速檢測，顯示為陰性，故他以為是普通傷風感冒。
做第二次快速檢測「中咗」
不過，他兩日後跟朋友說自己的病徵，朋友認為他持續幾天發燒，懷疑他確診。他說：「原因係我第一日做嘅檢測，身體含菌量唔係好高，出嚟結果唔係好準確，就叫我再做多次。當我再做一次，出嚟嘅結果就係……中咗！呢度有兩條線(指病毒檢測器)，『T字線』仲係好深色，我朋友話係我身體最多菌嘅時候，有中咗嘅朋友話我聽，過多約10日，會睇到T字線逐漸淺色。當然唔開心啦，我中咗，第一時間叫仔女戴口罩，自己亦戴口罩。」
「無喉嚨痛 有少少咳同鼻水」
林子博表示過去三日持續發燒，最高去到39度，他說：「今日就37度幾，算叫做好啲，暫時病徵無喉嚨痛，有少少咳同鼻水，味覺係正常，希望係普遍嘅Omicron，𠵱家無辦法，唯有自我隔離，呢度唔同香港，呢度係要喺屋企自我隔離，咁我就可以睇住仔女，但我都擔心佢哋中招，唔知嚟緊佢哋會唔會發病，無人知，希望唔會啦！」他原本跟兒子卓楠同房，大女詠渝睡套房，因他要自我隔離，故兒子要跟家姐同房，他也擔心傳染給家人，暫時仔女也沒有不適。
每日接送返學 懷疑被子女傳染
林子博回憶在中招前曾到過什麼地方，他說：「我諗番過去10日去過邊、做過乜、見過乜嘢人，第一時間打番畀佢哋，問佢哋有無中？除咗大除夕晚去咗伯明翰外，我真係無周圍走；伯明翰嘅兩個朋友無事，所以刪除咗係嗰度惹返嚟，咁究竟係邊度惹到？應該是之後嘅事，但我無乜出街，無同朋友開Party，一個聚會都無，只係接送仔女返學，去超市買嘢、去油站入油，全程戴口罩，除咗揸車時無戴，真係唔知邊度惹返嚟，最有可能係超市，有時啲包裝唔知有無菌，一係就仔女喺學校惹到，群體聚集只係學校，佢哋(仔女)上車時，我在車內無戴口罩，係咪因為咁而中呢？我真係唔知，我覺得好大機會。」他曾表示在英國除了返工，每日任務就是接送子女返學放學。
林子博只希望不是重病，朋友知道他染疫也很關心，老闆亦叫他列出所需生活用品，會送到他屋企門口，因他現在不能出街，也要靠朋友幫助補給。他留意英國疫情進展，不染病要慶幸自己好彩，現在是全世界也面對同樣的困難，只有提醒大家小心。
■更多娛樂猛料 ﹕ol.mingpao.com
無綫《鐵拳英雄》首播 離巢王君馨劇照「被消失」
【明報專訊】無綫劇集《鐵拳英雄》昨晚（10日）9時30分首播，ViuTV同時段亦推出新劇《IT狗》，前者有視帝陳展鵬、視后唐詩詠，以及陳山聰... 詳情
《知情識趣31》答案惹質疑 馬浚偉開心觀眾監察節目
【明報專訊】馬浚偉（馬仔）加入港台擔任創作總監，新季度的電視節目陸續推出，他構思兼主持的問答節目《知情識趣31》前晚首播，首集是「DJ挑戰賽... 詳情
禁晚市堂食帶挈收視 無綫《東張西望》25.9點稱冠
【明報專訊】無綫昨天公布上周（1月3日至9日）三台直播收視，未知是否受政府收緊防疫措施影響，由1月7日起禁晚市堂食，娛樂場所關閉，為期14日... 詳情
《造星IV》女團明公布名單 網民叫「前夫」準備復仇
【明報專訊】ViuTV《全民造星IV》開宗明義組女團，冠軍邱彥筒（Marf）、亞軍沈貞巧（Gao）及季軍許軼（Day）穩佔女團三席位，有關團... 詳情
