【Emily】立場停運 鄒家成為記者加油
[2021.12.30] 發表
【明報專訊】「立場新聞」多名前任及現任高層昨晨被捕，下午更宣布停止運作，唔少人對此感觸良多。因民主派「35+初選案」現正保釋嘅鄒家成噚日上晝喺facebook專頁連發兩帖，為仍然緊守崗位嘅記者加油；又話有記者同佢講，「做完先喊，𠵱家唔可以」，佢想同大家分享記者嘅堅毅。
鄒家成首個帖文上載「立場」logo，話自從《蘋果日報》倒下，有關「立場」可以撐幾耐等言論聽過多次；雖然記者對呢日早有準備，但來襲一刻都係會被嚴重衝擊。「立場」副採訪主任陳朗昇的住所亦被警方搜查，荃灣非建制派區議員劉卓裕喺fb發帖，話「昇哥，謝謝一直幫忙」。Emily問過劉卓裕，佢話「立場」嘅訪問一直好專業同有深度，對佢停止營運深感惋惜。
而行政會議成員、民建聯張國鈞就喺fb質疑，「立場」「無事無幹點解要即時停止運作？」、「此地無銀」，反問係咪以為刪page、解散就可以當冇事。
更多港聞
【Emily】預測故障避意外 理大與美馬里蘭大學設研發中心
【明報專訊】科研係香港未來發展重點，唔少大學都會專注發展，理大就伙拍美國馬里蘭大學設立「產品可靠性暨系統安全研發中心 」 （CAiRS），利... 詳情
相關新聞
