【Emily】聖誕寫揮春 梁家傑：願港人磊落
[2021.12.23] 發表
【明報專訊】就到聖誕節，公民黨主席梁家傑搞搞新意思，打算中西合璧幫大家寫揮春賀聖誕(圖)。噚日傑哥先開筆練習一下，佢話下周一至周三會同黨友余若薇「行孖咇」，齊齊到該黨位於美孚嘅快閃店「Station 202」，為大家手寫度身訂做嘅賀語。為免大家等太耐，想要嘅朋友可以先透過facebook等社交媒體通知Station 202想要咩祝福字句，再喺指定時間到店舖拎。
傑哥話，自己幫市民寫咗十幾年揮春，上年黨內仍然有區議員，有地區據點擺檔，但如今已經冇呢支歌仔唱，加上快閃店月尾就完約，所以即使未到農曆新年，都預先為大家寫定揮春。被問有咩聖誕新年願望，傑哥話希望身體健康，香港人可以「磊落真誠」咁做人。
更多港聞
【Emily】考牌復故業 落選電工：選舉翌日上堂 會計妹fb改名「文在野」續監察政府
【明報專訊】立法會選舉落幕，落選者有唔同計劃，有份令到選委會界別「五光十色」嘅電工刁勝洪話自己收拾心情，重新投入工作，早前仲報讀咗行業嘅安全... 詳情
【明報專訊】香港疫情平穩，同內地免檢通關嘅討論又就嚟埋尾，旅遊發展局已重啟久違嘅實體活動，例如西九文化區嘅大型聖誕樹每日吸引千計市民打卡，而...
詳情
相關新聞
