【Emily】發布短片籲立選投票 Viu《投你所好》加MIRROR舊片段
[2021.12.14] 發表
【明報專訊】周日係立法會選舉，高官連日呼籲市民投票，市民有幾受落就見仁見智，而免費電視台ViuTV噚日就發布咗一段短片幫手叫人投票，片中更剪輯咗當紅男團MIRROR一啲舊片段。
ViuTV發布嘅《12月19日 揀揀單單 投你所好》短片，片中見到一個好似係fans嘅女仔拎住laptop，並播放MIRROR第一首團歌《一秒間》嘅MV，然後就剪接咗MV部分片段，最後旁白呼籲選民喺周日「揀揀單單、投你所好」。雖然Emily聽唔出歌詞同投票有咩關聯，而MIRROR亦無為呼籲投票特登拍攝一段廣告，不過相信憑佢哋嘅影響力，應可接觸到高官未必接觸到嘅人群。
鄧炳強伙同事拍片籲投票
另外，民政事務局長徐英偉噚日聯同副局長以及政助換上「候選人」裝扮，戴咗候選人常用嘅競選肩帶，又將貨車改裝成宣傳車，呼籲市民投票。政務司長李家超亦落場為徐「站台」一齊拉票，李話喺選前再推動氣氛撐選舉，又話新選制下嘅立法會係「更進步、更優越」，呼籲選民積極投票。
保安局都出咗短片，片段開初保安局長鄧炳強同副局長區志光唉聲嘆氣。保安局常任秘書長葉文娟就問佢哋做咩咁愁，區話煩惱緊周日投票後食雞髀定西多，鄧炳強就回應話，「無論雞髀定西多，千祈唔好諗咁多」，叫大家記得星期日要出嚟投票。
更多港聞
【Emily】梁熙「服務29年單張」遭抽水 民記：會向廉署投訴
【明報專訊】繼喺選舉論壇「爭取」西灣河有港鐵站被嘲笑後，民建聯港島東立選候選人梁熙近日嘅入屋單張，又再被網民質疑，單張有一張梁熙與市民接觸嘅... 詳情
【Emily】被問黨友EQ學歷 李世榮：佢親身讀返嚟
【明報專訊】民建聯葛珮帆（EQ）嘅「博士」學歷一直係網民焦點，喺立法會新界東南參選嘅民建聯李世榮噚日出席now新聞台嘅選舉論壇，亦被網民問及... 詳情
【Emily】憶一起瘦過的日子 狄志遠謝李華明撐場
【明報專訊】立法會選舉社會福利界候選人、新思維狄志遠日前獲民主黨元老李華明出席活動撐場，不過李華明無獲民主黨批准，仲話有心理準備被處分；獲老... 詳情
【Emily】少去傳媒論壇 地建界龍漢標中環街市派政綱
【明報專訊】立法會功能組別地產及建造界選舉，多年來首現競爭，由地產建設商會秘書長龍漢標與卓能集團執董趙式浩對撼，不過呢個界別未見熱熾選舉氣氛... 詳情
相關新聞
