【Emily】M+開幕 市民讚水上的士「唔塞車」
[2021.11.13] 發表
【明報專訊】西九M+博物館噚日開幕，運輸署為咗配合，喺噚日同聽日開始，逢星期日同公眾假期提供「中環—西九—尖東—中環」水上的士短途服務。
水上的士會喺下晝一點半同兩點40分喺中環9號碼頭開出，市民喺油麻地避風塘二號梯台落「的士」後，行大概十幾分鐘就到M+。市民林先生噚日搭第二班船，同個女去M+，佢大讚水上的士唔會塞車，20分鐘內就到目的地，非常方便。佢話希望日後可以有更多班次，咁去完展覽返屋企都唔會咁頭痕。不過，可能呢條航線仍係新服務，噚日搭第二班水上的士喺西九落船嘅市民唔夠10個。
更多港聞
相關新聞
