【Emily】唐英年譚志源梁卓偉有份 19前高官出聲明撐港隊：贏全港掌聲
[2021.07.31] 發表
【明報專訊】港隊喺東京奧運至今取得一金兩銀，創下歷史佳績，各方紛紛致賀，19名前高官噚日亦發聲明，話佢哋為奪得男子花劍個人賽金牌嘅張家朗，同埋奪得女子100米、200米自由泳銀牌嘅何詩蓓歡呼，亦為所有港隊成員鼓掌，話無論結果係點，港隊運動員都展示咗體育精神，贏得全港市民掌聲同感謝。
有份簽呢份聲明嘅前高官包括唐英年、林瑞麟、梁愛詩、譚志源、陳家強、梁錦松、蘇錦樑、曾德成、梁卓偉等，除咗感謝運動員外，亦感謝佢哋背後嘅一眾教練、醫護團隊同家人，成就運動員喺賽場發亮發光。
聲明又話，佢哋會繼續全力支持港隊選手，祝願佢哋發揮最佳水準，最後亦不忘祝賀國家隊喺多個項目取得佳績，為國家爭光。
更多港聞
相關新聞
