【Emily】梁美芬成立「凝聚民心」平台 倡政府設復和專員補撕裂
[2021.07.30] 發表
【明報專訊】經民聯立法會議員梁美芬噚日宣布聯同約60個專業、教育、商界、藝術界人士發起「凝聚民心」平台，強調唔係搞智庫、政治團體，而係希望唔同年齡、階級、背景嘅人，只要符合愛國者定義，都協力助香港走出困難。
60人發起 話唔係智庫政團
發起人之一、平機會前總主任大律師束健銘話經過「暴亂」後，有新法例引入香港，雖然社會安寧咗，但深層撕裂仍在，建議政府委任「復和專員」，透過調解方式，安排唔同意見嘅人同群組去復和。梁美芬話會向政府提交設復和專員嘅建議，又話平台同立法會選舉「唔會有咩關係」。
「凝聚民心」發起人亦包括科大經濟學系前系主任雷鼎鳴、律師錢志庸、「中國法拉利之父」李文輝、眼科醫生周伯展、全國港澳研究會會員孔永樂等。孔永樂話會研究房屋政策，包括提出處理劏房問題嘅具體時間表同藍圖。
成員話研劏房 與工聯會「百花齊放」
被問工聯會麥美娟近日亦成立智庫處理劏房問題，梁美芬話開心大家不謀而合，認為百花齊放可以喺「告別劏房」問題搵到最好方案。發起人中有一個聲稱係籃球運動員嘅中學生Kevin Ng，佢話希望政府同大學合作增加行體藝路嘅學生名額。
更多港聞
【Emily】初選案李嘉達獄中生日 勤做運動瘦身40磅
【明報專訊】民主派初選案仍有34名被告還押，至今約5個月，唔少人喺獄中過節。觀塘前區議員李嘉達（Kinda）前日30歲生日，立法會前議員邵家... 詳情
【Emily】新民黨甘文峰做過競技體操國際裁判
【明報專訊】日本19歲體操選手橋本大輝喺東奧體操男子個人全能決賽擊敗中國隊同俄羅斯奧委會代表奪金，內地網民批評評判裁決不公，因為橋本喺跳馬項... 詳情
【明報專訊】民建聯成員、教聯會副主席、培僑中學教師穆家駿批評羽毛球港將伍家朗嘅球衣風波繼續發酵。北角餐廳「人人和平小飯店」發出「譴責穆家駿和...
詳情
相關新聞
