【Emily】戲院商會打針抽獎 送每人365張戲飛
[2021.07.24] 發表
【明報專訊】本港有超過四成人已經打咗第一劑新型冠狀病毒疫苗，為咗推高接種率，近期唔少機構都推出疫苗抽獎，香港戲院商會噚日宣布推出打針抽戲飛計劃，得獎者可以每人獲得365張電影禮券，如果戲院唔再因為疫情而要停業嘅話，得獎者可以每日入戲院睇足一年戲。
根據戲院商會嘅資料，今年9月30號之前喺香港打齊兩針疫苗，或者曾經染疫、之後再補一針嘅香港身分證持有人，就符合資格參加抽獎，商會會抽出5個得獎者，每人獲得365張電影禮券，每張可以喺全港任何一間戲院兌換一張2D正價戲飛，每套電影禮券最高價值約為5萬元。
更多港聞
相關新聞
