【Emily】赴京睇中共黨慶表演
葉劉唱「沒有共產黨，哪有新中國」

民建聯主席李慧琼話，前晚嘅文藝演出唔可以影相同大家分享，不過佢都有喺facebook上載其他相片，包括因為行程趕急、車長幫佢哋準備嘅食物包（圖）。

新民黨主席葉劉淑儀（右）話自己喺北京觀賞中共黨慶文藝演出，跟住現場觀眾唱咗4、5次「沒有共產黨，哪有新中國」。佢話，出發上京前做咗4次核酸檢測，但到達北京機場後都要再驗，連酒店大堂都有地方為佢哋做核酸檢測。

【明報專訊】中共建黨百年喺北京有大型慶祝活動，香港一班政界人物獲邀出席，前晚佢哋觀賞喺鳥巢(國家體育館)舉行嘅大型情景史詩文藝演出——《偉大征程》，之後喺社交媒體分享感受。行政會議成員、新民黨主席葉劉淑儀喺facebook話，自己都跟住現場觀眾高唱咗4至5次「沒有共產黨，哪有新中國」，仲話深感呢句話寓意深遠，「沒有共產黨百年奮鬥，我國哪有今天輝煌成就？」

同樣有份參加嘅民主思路召集人、行會成員湯家驊就話，壯觀都難以形容演出波瀾壯闊嘅場面，震撼又不足以表達嗰個澎湃高漲嘅情緒，「只好說一句，祝100歲生辰快樂！」

今播放 李慧琼：有香港演員參與

葉太喺fb透露，文藝表演原本安排喺噚晚舉行，但由於天雨關係提前於前晚演出；節目係錄播，今晚(30日)播出，因此所有出席者都唔可以拍攝，以免泄露內容。民建聯主席李慧琼喺fb話，大會唔畀參加者帶手機入場，而文藝演出陣容龐大，估計參與人數超過1萬，當中有香港演員，叫大家估吓係邊個。佢話，因為行程趕急， 大會為佢哋每人準備咗一個小小嘅食物包，照顧細心。

經民聯林健鋒就去咗新建成嘅中國共產黨歷史展覽館，話展館設計創新，體現到中共百年奮鬥歷史同當中蘊含嘅偉大精神。

更多港聞

【Emily】黃偉綸撐市建局 話政府「有錢盡出錢，無錢盡畀地」

【明報專訊】市建局噚日為觀塘市中心重建項目嘅裕民坊商場（YM2）舉行開幕禮兼慶祝該局成立20周年，唔少新知舊雨濟濟一堂，其中兩名有份參與觀塘... 詳情

【Emily】公僕「掛職」 張國鈞：訂政策更能配合國家發展

【明報專訊】民建聯早前提出「變革香港」口號，佢哋噚日舉辦「改革行政 提升管治」圓桌會議，會上談及公務員到內地「掛職」。行會成員、民建?聯立... 詳情

【Emily】民研：港人國民自豪感升 學者：料關黨慶

【明報專訊】香港回歸24周年，香港民意研究所噚日公布最新調查，顯示港人嘅國民身分自豪感顯著上升7個百分點至41%，而冇感到自豪嘅比率則下跌8... 詳情

【Emily】岑子杰牛一 陳皓桓牆內傳信祝福兄弟

【明報專訊】民主派立選初選案，35名被告還押候審，包括社民連岑子杰（Jimmy）。Jimmy噚日生日，同樣身在獄中嘅黨友陳皓桓（Figo）獄... 詳情

吳基培卸任中大副校

【明報專訊】中大昨公布，副校長吳基培今年8月將卸任大學副校長一職。吳基培出任大學輔導長、副校長多年，學生稱他作風親民受愛戴。他在反修例事件期... 詳情