【Emily】黎智英獲美基金會「列根自由獎」
[2021.06.15] 發表
【明報專訊】目前因涉多宗控罪身陷囹圄嘅壹傳媒創辦人黎智英，上周獲美國嘅「共產主義受害者紀念基金會」(Victims of Communism Memorial Foundation)頒發其最高榮譽獎項「杜魯門——列根自由獎」，聲明形容黎智英以及其他港人嘅勇敢，反映人類對自由嘅渴求唔會消滅(never die)，並指獎項係表揚佢對香港自由、民主嘅畢生貢獻，堅毅反共及其他暴政，以及佢不計代價對抗中共獨裁。
美國前副總統彭斯喺Twitter表示，對於2019年時曾經喺白宮接待黎智英感到榮幸(honored)，形容黎智英目前因為支持香港而入獄，「共產主義受害者紀念基金會」因為佢嘅獻身而頒獎，「天佑黎智英(God Bless Jimmy Lai)」。
黎智英早前已因被控欺詐、違反《港區國安法》還押，其後因為前年參與「8．18流水式集會」等案件而入獄共14個月。
更多港聞
認清底線不自我設限 「努力不被捕」 港大學生會：應對恐懼不該逃避
【明報專訊】香港大學學生會內閣「薪燧」5月底當選，上任數天，便在外界高度關注下舉辦活動，於6月4日與同學洗刷《國殤之柱》，而學生會4名成員比... 詳情
相關新聞
