【Emily】維港匯主角 盧維思有意選立會 話想下屆特首係新面孔
[2021.06.04] 發表
【明報專訊】立法會選舉年底舉行，投資推廣署前署長盧維思(Michael Rowse)喺民主黨劉慧卿節目《議會內外》中，透露自己正探索應否參選，形容都有人需要代表中間、溫和派別發聲。佢話正諮詢其他人，例如見過民主黨主席羅健熙；卿姐問佢有冇見過內地官員，盧維思就笑言睇吓你將(前特首)梁振英放喺咩類別，又話目前暫時未有「紅燈」，但如果有「紅燈」就唔使浪費大家時間。
有冇見內地官？ 「睇你將CY放咩類別」
講到歷屆特首，盧維思認為，最大問題係港府喺回歸後未能學識處理同北京嘅關係。佢形容現任特首林鄭月娥唔係politician(政治家)、只係行政人員；梁振英就係politician，但佢唔明點解對方已位至國家領導人，仍想再度競逐特首，認為兩人都唔應該參選特首，希望下屆特首係新面孔。
盧維思透露20年前已放棄英籍，佢解釋，以往擔任投資推廣署署長，要周圍說服人投資香港、同人講香港係最好嘅營商地方；如果佢袋住英國護照，咁做唔係太自然，所以就改用特區護照。另外，佢都不點名批評民主派有人去信外國要求制裁係「大蠢材(big idiot)」，質疑背後係乜嘢政治思想。
盧維思是當年「維港巨星匯」風波主角。2003年SARS後港府辦維港匯，花費公帑1億，惟入場人數未如理想、安排混亂，公務員事務局對時任投資推廣署署長盧維思展開紀律聆訊，裁定佢失職並罰款。盧不服並提司法覆核，要求推翻當局決定，最終勝訴。
更多港聞
【Emily】橫瀾島觸礁沉沒百載 新華輪終尋獲
【明報專訊】近代香港發生過唔少船難，其中一宗，係1929年招商局一艘名為「新華輪」嘅客貨船，喺位於香港東南面嘅橫瀾島北岸觸礁，造成340人死... 詳情
【明報專訊】6月3日係立法會前議員邵家臻嘅生日，佢話自1989年六四事件後再冇慶生，「若我人在北京，1989年是廿歲，應該必然上街，也必死無...
詳情
【明報專訊】疫情緩和，唔少經濟活動逐漸回復正常，Emily聽聞六合彩攪珠亦會復常，由6月15日（周二）起每星期舉行3次攪珠，為港人提供一周3...
詳情
【Emily】土瓜灣過渡房入伙 保留大樹變休憩區
【明報專訊】唔少非牟利機構積極籌建過渡房屋，協助輪候公屋嘅基層家庭改善生活環境。由九龍樂善堂負責、位於宋皇臺道同土瓜灣道交界嘅過渡房屋項目，... 詳情
【明報專訊】公民黨前日喺facebook出帖向各方好友徵集二手家俬，話正密鑼緊鼓準備改造總部，希望新空間體現到循環再用及共建概念。公民黨秘書...
詳情
相關新聞
