【Emily】北區鄉村設賣菜機 羅庭德常幫襯
[2021.06.01] 發表
【明報專訊】對於城市人而言，街市、超市同屋企都唔會距離太遠，買餸好方便，但對村屋居民而言就未必咁易。有公司早前喺沙頭角公路一帶設置「24小時蔬菜售賣機」，原來連北區區議會主席羅庭德都經常幫襯。佢同Emily講，住村屋如果出入冇私家車真係相當不便，舉例佢如果由粉嶺搭車返屋企，尾班車好早就開出，難以去超市買餸，村內甚至連士多都冇，但自從村口設置自動售賣機，佢就可以買沙律菜或者買啲瓜返屋企煮，暫時佢幫襯咗十幾廿次，話味道都正路。
氮氣包裝 蔬菜可保存5日
羅庭德喺facebook推介呢部售賣機，話自己去健身時行過就會想買沙律，形容「免洗即開即食有埋餐具同醬好方便」，話住沙頭角公路沿線有揸車嘅村民，有時收工遲咗又想煮飯，下次經過龍躍頭段停低選購吓，「有瓜有菜全部切好洗好」。根據fb專頁「Spark‧撻著」介紹，售賣機以電子方式付款，蔬菜以氮氣包裝，可保存5日。
羅庭德話問過營運商，正常應該去大型屋苑、放喺會所或商場等地方會賺多啲，但對方對鄉郊地方有情意結，認為值得鼓勵。羅希望營運商可繼續做落去，好驚佢做唔住，亦希望有多啲唔同種類嘅嘢，「益吓我哋偏遠地方嘅蟻民」。
更多港聞
【明報專訊】工聯會業餘進修中心久唔久都有啲有趣課程，噚日工聯會喺facebook出帖推銷，Emily睇睇課程名單，的確包羅萬有，由語言、電腦...
詳情
【明報專訊】5000元電子消費券最快下月派發，零售業各路人馬都摩拳擦掌欲搶佔商機，4間參與計劃嘅電子支付平台亦積極備戰。Emily噚日同八達...
詳情
【明報專訊】立法會過往7月中起就會休會，至10月先復會，議員一般都有長暑假。選舉制度修改後，嚟緊嘅立法會選舉會喺12月19日舉行，新一屆會期...
詳情
【Emily】陳韜文獲國際中華傳播學會終身成就獎
【明報專訊】中大新聞與傳播學院新聞傳播學榮休教授陳韜文，獲頒國際中華傳播學會終身成就獎。陳韜文長期從事國際傳播與比較傳播、政治傳播及新聞學等... 詳情
兩佛教小學擬辦空中畢業禮 疫下結業活動多取消 盼學生留回憶
【明報專訊】每年盛夏，學校相繼在禮堂辦典禮歡送畢業生，兩間小學擬將今屆畢業禮移師飛機上，讓學生的驪歌響徹雲霄。佛教林炳炎紀念學校及佛教黃焯菴... 詳情相關新聞
