【Emily】葉劉倡刪港台電視部 「年慳5億」
[2021.04.15] 發表
【明報專訊】香港電台成為建制派討論目標，新民黨葉劉淑儀噚日喺財委會亦對港台大表不滿，更建議盡快取消港台電視部。葉太話，有製作人員唔願意做政府喉舌，挑戰政府底線，又陷李處長(廣播處長李百全)於不義，「要你做醜人去抽起啲節目，何必呢」，形容係縱容慣、用政府資源任意妄為，「今日去管佢係好困難，不如你刪除咗，每年慳5億幾」。
周兆祥辭港台顧問團
廣播處長李百全就回應話，至今抽起約3集節目，每個節目涉及成本約2萬至5萬元，但就話已引入新編審機制，確保喺節目製作前先交書面建議，得到編輯委員會同意，預計日後唔應該有太多節目會臨時抽起。
另外，做咗香港電台節目顧問團成員大約8年嘅周兆祥(圖)就話，見到港台已失去自主能力，無辦法發揮獨立傳媒角色，不斷有好節目被橫蠻抽起，所以佢上月底決定辭任，雖然係痛心難過同唏噓，但覺得港台無重視顧問意見，「顧問團大致只係裝飾」，又寄語港台管理層反省所作所為，知所進退。
更多港聞
【明報專訊】民主派立選初選案涉47人，佢哋2月28日去警署報到時被落案起訴，此後大部分人一直還押至今。民主黨立法會前議員尹兆堅去警署報到前，...
詳情
【Emily】疫下舊年冬日節花950萬 被轟浪費 旅局：500萬訂聖誕樹燈飾可再用
【明報專訊】早前商經局回覆議員就特別財委會嘅書面提問，話旅發局去年12月4日至今年1月3日舉辦嘅香港繽紛冬日節，籌辦活動同推廣開支用咗950... 詳情
下學年學生內地交流名額 11萬個涉1.3億6年新高
【明報專訊】政府多番強調要加強學生國民身分認同、讓學生認識國家。教育局昨日回覆立法會議員書面查詢時表示，下學年預計給專上、中、小學生參加內地... 詳情
【明報專訊】2019年反修例運動爆發，令教師專業操守備受關注。根據教育局向立法會特別財委會提交的文件，過去10年有62人被局方取消教師註冊，...
詳情
相關新聞
