【Emily】不應只熟地區事務 CY籲民記「提升層次」
[2021.04.13] 發表
【明報專訊】內地學者田飛龍早前話中央唔需要「忠誠的廢物」，引起本港建制派很大迴響，全國政協副主席、前特首梁振英(CY)噚日接受民建聯主席李慧琼嘅網台訪問，都溫馨提示民建聯要「提升層次」，問問自己最熟乜嘢政策範疇。李慧琼聽完都話同意，話會要求議員從「管治者嘅角度去思考問題」。
李慧琼：會促學「管治者角度思考」
CY話香港有好多選舉人才，但佢哋當選後依然繼續做一個「選舉人才」，只熟悉區內情况，「如果聽日叫你做局長，或者做副局長，你對最熟悉嗰個政策範疇嘅掌握係點呢？我覺得層次要提升一下」，指做地區好好、下次選舉必贏，但都要諗吓發展。李慧琼話絕對認同CY呢個方向，話黨友都要再學習，「如果你有機會參與管治時，你會點樣解決問題呢？除咗批評、反映民意之外，我諗我哋都要學習呢一點」。
CY仲話，香港嘅制度喺過去運作得愈來愈慢，例如一塊土地嘅用途都不斷爭拗，但佢強調並非要批評主事官員，認為涉及制度問題，希望香港能痛定思痛。至於當務之急，CY認為香港要先控制疫情，過程要市民合作，包括積極接種疫苗。
更多港聞
【Emily】中電E-Playground開幕 太陽能樹新派許願
【明報專訊】新冠病毒疫情令今年大埔林村許願節都要取消，中電近日就喺林村附近整咗個以電力工程、能源及環保為主題嘅室外遊樂園——「中電E-Pla... 詳情
【明報專訊】內地文革曾鼓勵知青「上山下鄉」，民建聯蔣麗芸（Ann姐）噚日喺立法會特別財委會建議官員日後「下鄉縣」實習，「落啲（內地）縣呀、鄉...
詳情
【Emily】朱凱廸患飛蚊症 慎防「波餅 」 獄中練「撞牆功」 成功拉鬆筋
【明報專訊】民主派立選初選案36人正在還押，朱凱廸嘅facebook噚日上載家書，提到阿廸獄中生活。早前阿廸眼睛唔舒服，後來到醫院睇醫生，發... 詳情
【明報專訊】懲教署嚴格規管送畀在囚者嘅物資，早前M&M's廠商轉生產37g包裝，但新包裝唔符合物資規格，搞到好多家屬到處撲舊版40g嘅M&M...
詳情
【明報專訊】政府近日加強宣傳周四（15日）的「全民國家安全教育日」，教育局建議學校該日多辦相關學習活動。有中學稱，當日擬安排從內地移民本港的...
詳情
相關新聞
