【Emily】會否做選委會召集人？ 董生話唔回應
[2021.04.01] 發表
【明報專訊】全國人大常委會修改《基本法》附件一後，選舉委員會將增設召集人制度，必要時召集選委會會議，總召集人講明係由擔任國家領導人嘅選委會委員擔任。特首林鄭月娥前日講應該係兩名全國政協副主席其中一人，咁究竟係董建華定梁振英做？全國人大常委譚耀宗噚日話，自己唔講邊個比較合適，避免唔公道，但如果係論資排輩就可以計年資。董生係首任特首，會唔會樂意擔任？佢透過發言人話唔會回應有關問題。
譚耀宗：如論資排輩 可計年資
另一名有資格做總召集人嘅梁振英前日就話，過去長時間從事公職幾十年，有能力、香港社會有需要、國家有需要的話就盡力做。譚耀宗噚日喺民建聯facebook直播被問到如果出任咗總召集人但又想選特首，又得唔得，佢話涉及選舉就要小心，如果某人宣布出嚟參選，影響到選舉公正性，就唔可以參與選委會總召集人工作。
另外，董建華及太太趙洪娉、梁振英同前律政司長梁愛詩噚日喺政總接種第二劑科興新冠疫苗。董生接種後大讚疫苗「好嘢」，仲話「梗係唔痛啦」，鼓勵大家盡快接種。
更多港聞
【Emily】剛勝杏花邨業委會 黃宜抱恙辭區議員
【明報專訊】東區區議員黃宜（圖）早前連任杏花邨業委會，開明派業委告捷，但黃宜連日遭親建制報紙點名攻擊，指控佢喺競選過程使出「嗱喳招」。黃宜噚... 詳情
【明報專訊】智慧燈柱喺2019年中啟動時惹嚟監控疑雲，政府及後成立技術諮詢專責委員會，委員會上年3月呈交嘅報告其中一個建議政府要搞多啲活動、...
詳情
【Emily】國安教育日 懲教入境表演中式步操
【明報專訊】《港區國安法》實施後，今年4月15日嘅「全民國家安全教育日」首次由特區國安委主辦，宣傳鋪天蓋地，仲開埋網站同facebook；活... 詳情
【Emily】問責班子民記佔6 張進樂任民局政助
政府噚日公布委任民建聯成員、民政事務局研究主任張進樂（Gordon）擔任民政事務局長政治助理，今日履新。現時喺問責班子中，民建聯成員增至6人... 詳情相關新聞
