【Emily】表決唔夠人 建制差兩分鐘險流會 怕翌日報紙大字標題「忠誠的××」
[2021.03.19] 發表
【明報專訊】民主派議員總辭後，立法會變得「平靜」，但噚日竟然都險釀流會，有建制派事後大呼如果真係流會，預視到翌日傳媒就會大字標題「忠誠的××流會」。
話說立法會噚日辯論有關支援失業同就業不足人士嘅議案，處理經民聯梁美芬提出嘅修正案時，代主席馬逢國請大家舉手表決，但自由黨邵家輝要求記名表決，表決鐘響咗5分鐘先發現，原來會議室唔夠法定人數，立法會主席梁君彥請秘書響鐘15分鐘點人數。
響鐘近13分鐘 廖長江趕到湊數
議員拍手 梁君彥黑面
唔見人嘅包括民建聯主席李慧琼、新民黨主席葉劉淑儀、建制派「班長」廖長江，仲有醫學界陳沛然等；熱血公民鄭松泰就默默坐喺位。會議廳內氣氛緊張，經民聯盧偉國、林健鋒不斷打電話，唔少議員亦密密低頭撳電話，唔知係咪急call建制派返嚟救駕。鐘聲響到接近13分鐘，廖長江「達陣」、急步行入會議室，獲建制派鼓掌，啱啱好夠法定人數，鏡頭就影到梁君彥面露不悅。
爭啲搞到建制派甩轆，Emily問邵家輝係咪好驚，佢話：「唔驚呀，做番我哋應該做嘅嘢咋嘛！留喺議會係議員嘅責任，最後都齊晒啦。」至於點解廖長江入場時候要拍手？佢就話：「廖長江咁大隻都跑得咁快，梗係要拍手啦。」
鄭松泰留低：投票留紀錄重要
如果噚日鄭松泰離場，建制就會唔夠人，但佢話覺得投下反對票、留紀錄重要，「無理由畀政府無紀錄」。
更多港聞
【明報專訊】民政事務總署上年以抗疫為由，削減由區議會審批嘅社區參與計劃撥款，將款項調撥至「應急費用」，黃大仙區議會相關撥款被削減幅度最多。黃...
詳情
【Emily】法庭DQ議席 洪駿軒籌100萬上訴
【明報專訊】民主黨觀塘區議員洪駿軒早前遭區選對手鄭強峰入稟選舉呈請，其後被裁定非妥為當選。洪駿軒噚日宣布眾籌100萬元，以支付所欠嘅訟費同未... 詳情
【明報專訊】唔少司局長間中都做「鍵盤戰士」寫網誌，推銷政策、回應批評，又或表態支持中央決定。上年4月上任嘅民政事務局長徐英偉亦加入寫網誌行列...
詳情
胡肖霞衝課室罵教師 學生大哭 認罵「黑心衰過隻狗」致歉 教育局籲指控者舉報
【明報專訊】再有大同新邨聖德肋撒幼稚園教員，指控校長胡肖霞疑欺壓教師。教員稱，胡肖霞前日（17日）突衝入課室，在10多名學生面前以「畜牲」、... 詳情相關新聞
