【Emily】質問有無評估過健身者會否戴罩 田二少拍枱 轟政府未吸跳舞群組教訓
[2021.03.18] 發表
【明報專訊】新冠病毒疫情持續，早前出現嘅健身群組累計逾百人確診。特首林鄭月娥噚日出席立法會質詢環節，實政圓桌議員田北辰(圖)質問，政府開放健身室前有冇評估過，使用健身室嘅人會唔會戴口罩。田北辰會後大動肝火，見記者時仲拍枱直斥不滿情况，指政府未從「跳舞群組」汲取教訓，「跳舞群組爆發咗喇，仲未醒覺」，批評當局重蹈覆轍。
話飲食零售接種率唔高
林鄭請張宇人「繼續努力」
田北辰喺會上話，擔心再出現群組爆發，質疑政府執法係「有火燭先去救火」。林太回覆話，係咪放寬防疫限制嘅決定唔係完全科學，需要考慮市民有冇抗疫疲勞等。至於要求健身者戴口罩，「當日好多人嘅意見係，如果要求正在跑步嘅人戴口罩，即係想佢窒息或會有不良反應」；𠵱家強制要求健身者戴口罩，林太唯有呼籲健身者「跑得慢啲」。
另外，行政會議成員、飲食界議員張宇人話已經鼓勵飲食業、零售業等界別接種疫苗。林太回應話感謝張宇人嘅呼籲，「但真係要加把力，因為我今朝問同事，呢個群組嘅接種率並不太高，所以請張議員繼續努力」。
更多港聞
【Emily】民記「治政課程」 請強世功王振民授課 曾鈺成講「從政的明天在哪裡」
【明報專訊】民建聯早前宣布將會推出「治政理念研習課程」，近日課程有更多詳情，除咗早前曝光、話會邀請前特首梁振英授課講「愛國者治港」之外，仲請... 詳情
【明報專訊】現時市民愈來愈關注資訊保安，之前曾出現「社交移民」，由WhatsApp轉用Signal。警隊亦為咗提升保安，喺3月9日推出一個全...
詳情
「內地考察」列新教師核心培訓 教師發展委會成員：免教國情失真 不逼參與
【明報專訊】新入職及升職教師的培訓要求本學年更新，須接受教育局提供的30小時核心培訓。教育局長楊潤雄昨回覆議員書面查詢時稱，核心培訓包括內地... 詳情
【明報專訊】教育局上月就國家安全教育向學校提供行政及教育指引。教育局長楊潤雄昨書面答覆民建聯立法會議員張國鈞提問，稱局方將透過不同渠道，例如...
詳情
相關新聞
