【Emily】43子還押寄情健身 尹兆堅褲頭減兩吋

【明報專訊】43人因為參與民主派立選初選被控串謀顛覆國家政權正被還押，深水埗區議會主席楊彧噚日去荔枝角收押所，探望民協主席施德來，楊彧話阿來想要關於健身嘅書，拉筋、瑜伽等佢都可以試；又話收押所內食物分量足夠，所以冇另外訂「私飯」。

施德來盼獲健身書

油尖旺區議員林兆彬(Ben)去探民陣前召集人岑子杰，以及另外被控港區國安法案件嘅「第二代美國隊長」馬俊文時，喺探訪室撞到還押嘅元朗區議員伍健偉、登報發起「三投三不投」嘅吳政亨，Ben話佢哋精神好好，成日做運動健身。

15分鐘探訪 尹14分鐘交帶工作

民主黨尹兆堅日前收到老婆家書，尹太喺信中寫，同仔女會因為佢而撐住，Emily聽聞阿尹收到好感動。黨友黎敬瑋探訪完透露，阿尹還押個多星期，褲頭已由38吋減至36吋，15分鐘嘅探訪時間有14分鐘都係交帶工作，仲叮囑大家頂住，話自己一定頂得住，叫大家唔使擔心。黎敬瑋話感受到阿尹「戰意高昂」。

民主黨黃碧雲就託facebook管理員同港人講自己精神唔錯，老公同同事都話佢知「好多人撐我哋」，佢對此表示多謝，寄語大家保重。劉頴匡女友黃于喬(Emilia)繼續談到男友情况，透露劉頴匡都話要多運動，因為發現自己體能比其他年紀更大嘅人差一截；又好緊張問英超愛隊車路士對愛華頓嘅戰况，但Emilia就「瞓咗冇睇」。

更多港聞

【Emily】免費物資送囚友 需求急增 「石牆花」貨架二變六

【明報專訊】民主派「35+初選」47人案，大部分人不獲准保釋須還押，立法會前議員邵家臻創立嘅「石牆花」為在囚者提供免費物資，阿臻同Emily... 詳情

【Emily】問疫苗 盧偉國千里搵聶德權幫手

【明報專訊】身在北京開全國政協會議嘅工程界立法會議員盧偉國，要遙距咁搵喺香港嘅公務員事務局長聶德權幫手，究竟所為何事？原來因為政府噚日宣布有... 詳情

【Emily】區議員伍月蘭收恐嚇信 附剪報污糟口罩

【明報專訊】深水埗區議員伍月蘭噚日喺facebook上載收到嘅恐嚇信，睇相見到有一堆剪報，內容講民主派因立選初選被控告等案，又附有污糟口罩（... 詳情

【Emily】CY拍片論港民主：「主權在民」不適用

【明報專訊】全國政協副主席、前特首梁振英（CY）噚日喺facebook上載短片講「香港的民主是什麼？」，背景係一個庭園，佢對住鏡頭由香港仲係... 詳情

DSE歷史科審題會 教局被指加入4成員 當局未回應名單真確 稱違保密可判囚

【明報專訊】去年中學文憑試（DSE）歷史科DQ試題引發軒然大波。本報接獲匿名投訴，指控教育局操控今年的DSE歷史科、負責出卷的審題委員會，稱... 詳情