【Emily】50監測地區鼠患指數 第二季發布
[2021.03.06] 發表
【明報專訊】政府跨部門防治蟲鼠督導委員會噚日開會定出防治鼠患同蚊患工作計劃，食環署話會加強熱能探測攝錄機應用，喺各區全部「目標小區」同鼠患較嚴重嘅監測地區，用攝錄機偵測老鼠活動，加強滅鼠行動針對性同成效；另外，今年第二季開始將會發布50個監測地區鼠患指數。房委會揀選大約80條重點屋邨，推額外防鼠措施同宣傳教育，路政署就按需要做後巷改善工程。
至於滅蚊，委員會定下今年工作指標包括消除蚊蟲滋生地，喺分區白紋伊蚊誘蚊器指數超出20%警戒水平嘅監測地區加強防控；維持監測地區指數唔超過40%；今年內為上年新增嘅白紋伊蚊密度指數訂出相應防治蚊患工作參考水平。
更多港聞
相關新聞
