【Emily】嘆難再教書 區軒試賣酒 想「努力面對」 10款酒3個鐘售清6款
[2021.02.18] 發表
【明報專訊】立法會前議員區諾軒(區軒)面對多宗控罪，佢日前接受《明報》專訪時話難搵工，去年初原本有大專院校請佢做講師，但喺開學前臨時取消。佢噚日喺facebook話，除非自己出文上有好強嘅實績，直到跨越政治、標籤，否則佢唔認為能重回教書路，但與其睇佢「賣慘」，不如睇佢點樣努力面對。佢話自己鍾意飲酒，喺短短嘅留日時間，同網店Goodlife研究咗小規模入清酒，精挑細選咗幾款清酒嚟賣。
入新鮮及品牌貨 避撞市面已有產品
出帖後3個鐘，佢揀嘅10款酒已經有6款賣晒，銷情算唔錯。區諾軒2016年曾參選立法會批發及零售界，佢話只局限於細細個幫家人，所以成日自嘲「偽零售界」，真係落手落腳規劃，今次係第一次。佢形容作為「小規模、小客路、小實驗」，佢循新鮮同品牌兩個理念入貨，例如要迴避香港已賣緊嘅貨，但又唔可以太冷門，希望喺大眾化程度與特別上取得平衡。
區軒形容，面對住無盡嘅控告，社會早就有無形壓力壓碎正常嘅事業，「我尚且如此，其他人想必亦有各種難關，不是單單請手足可以說完故事」。佢話唔會話自己OK；又指見到譚文豪做茶餐廳瞓身做，令佢明白只能靠自己努力，先可以頂天立地做人，「無論幾艱難，只願努力摸索一條可以活下去的路」。
更多港聞
【Emily】謝偉銓牛年願望：政府助三無大廈修渠管
【明報專訊】新冠病毒疫情持續，部分樓宇渠道更成為播毒途徑，建築、測量、都市規劃及園境界立法會議員謝偉銓噚日約見發展局長黃偉綸，提出佢嘅牛年願... 詳情
【Emily】考政府工頻道黃黑logo 郭偉强籲跟進
【明報專訊】立法會農曆新年假後「開爐」，公務員及資助機構員工事務委員會噚日朝用Zoom開會，點知唔夠10分鐘就「冧檔」，聽唔到部分議員發言，... 詳情
【Emily】余若薇隔離唔覺悶 乖孫溫馨字條打氣
【明報專訊】公民黨前主席、資深大律師余若薇（Audrey）因被香港電台確診髮型師整理過髮型，要隔離檢疫10日。Audrey噚日喺facebo... 詳情
【明報專訊】中大校董會主席梁乃鵬早前就2019年反修例運動喺中大發生嘅衝突事件，回信畀建制派立法會議員何君堯。信中提到，為防止同樣事件再發生...
詳情
相關新聞
