【Emily】泰博去信美心 籲捐物資畀基層
[2021.01.30] 發表
【明報專訊】熱血公民鄭松泰(泰博)之前生日食美心蛋糕(圖)，畀「黃絲」圍攻。佢噚日喺facebook出post，話早前收到被捕者家屬求助，但「一眾黃絲得知其家屬向我們尋求法律協助後，向受難者落井下石，並因我食美心蛋糕(而我認為沒有問題)，甚至詛咒事主抵死」。鄭松泰話，會去信邀請美心捐贈大批食物及物資，幫助基層弱勢渡過困境並回饋社會大眾，優先照顧天水圍等較貧困地區，派發準則由佢決定。
話有被捕者求助 畀網民落井下石
警方日前喺天水圍拘捕一人，以涉嫌藏有攻擊性武器等3罪檢控。元朗區議員林進本身向事主女友話提供協助，前晚喺fb話按家屬意願，案件由鄭松泰團隊跟進。好多人喺帖文留言，有人話「交畀隻熱狗！咁祝佢好運」，亦有人話要尊重其他人嘅選擇。熱血公民鄭錦滿留言話，家屬搵佢哋幫手，係因為事發至聯絡到佢哋之前，一直冇律師提供法律支援，而佢哋知道之後馬上請律師去差館搵人。
鄭松泰同Emily講，認為被捕者面對「政治檢控」，無論乜嘢政治派系，家屬搵邊個支援，都唔應該落井下石，認為啲人講嚟講去都係因為佢食美心。
更多港聞
【明報專訊】建制派力爭香港引入一直無公開臨牀研究數據嘅「國藥」疫苗，但負責審批疫苗喺香港緊急使用嘅顧問專家委員會，「底線」係疫苗有第三期臨牀...
詳情
【Emily】波哥助理電郵被hack 議員收逾期付款短訊
【明報專訊】多名立法會議員前日收到嚟自立法會通訊系統嘅奇怪短訊，平時呢個短訊系統只係提吓議員開會同投票，但前日議員收到標題係「逾期付款」嘅短... 詳情
【Emily】美容業促准復工 重裝承諾重裝待客
【明報專訊】醫護著全套保護衣見得多，原來美容師亦會「重裝」待客。美容業界噚日開記者會，10幾個代表著住全身保護衣，戴面罩、手套同頭罩，手持「... 詳情相關新聞
