【Emily】國安法後兩拒歐美議會對談 傑哥：公民黨未來言行轉低調
[2021.01.04] 發表
【明報專訊】公民黨近月經歷立法會議員被DQ、部分區議員退黨等，令人關注該黨前路。公民黨主席梁家傑(圖)就話，黨內部曾探討係咪要解散，但佢覺得仍然有500幾個黨員，又唔係所有人都退黨，喺社會上仲有一定支持，認為如果公民黨突然停運，好難向支持者交代，又話該黨不至於完全無運作空間。
未至解散 繼續貢獻專業知識
傑哥接受now新聞台節目《大鳴大放》訪問，佢話對於有5個區議員接連退黨感到心痛，但唔算係對黨好大打擊，佢會同黨內27個區議員直接溝通，希望避免再有議員退黨。佢話公民黨要有兩手準備，如果將來有立法會選舉，該黨會有人參與；如社會變成要「全民自救，監察政府」，公民黨亦可扮演有關角色，繼續貢獻專業知識等。
《港區國安法》生效，傑哥話上年7．1之後，已兩次拒絕歐洲議會或美國邀請出席網上對談，認為要「小心啲」，因為對談可能有人講咗啲中央唔啱聽嘅說話，如果佢唔出聲或會被指默認，認為呢啲情况應可免則免。佢話無論大家點唔鍾意國安法，但佢已經存在喺法律之中，「與其『送頭』、硬闖、硬碰，不如保留實力，低調啲」。不過傑哥話如果有駐港嘅外國使節邀請，佢認為出席會面係正常，又話公民黨未來言行都會轉為低調，但強調會繼續講真話。
更多港聞
【Emily】建築署長林余家慧退休 難忘檢疫設施趕工
【明報專訊】建築署長林余家慧上月退休，佢自1986年加入政府任職見習建築師，公職生涯超過30年。對於愈來愈多女性、年輕人加入建築界，林余家慧... 詳情
【Emily】陳沛然緊貼潮流 兩年前已留意姜濤
【明報專訊】叱咤頒獎禮過去幾日成為網絡熱話，21歲歌手姜濤（圖）奪得「我最喜愛的男歌手」，佢嘅歌《蒙著嘴說愛你》獲「我最喜愛的歌曲大獎」，引... 詳情
【Emily】Lunch哥被鬧黐藍營 泰博斥欺凌弱勢
【明報專訊】外號「Lunch哥」嘅David不時到各處請願、睇《蘋果日報》，狙擊建制派。前日Lunch哥同藍營KOL、被網民稱為「大波man... 詳情
【明報專訊】港台《舊日的足跡》噚日播出創新及科技局長薛永恒嘅錄音訪問，節目主持人淑梅姐「踢爆」薛局長臨近「登六」先置業，住自己樓。Emily...
詳情
相關新聞
