【Emily】建造商會創會百年 出書講香港100建築
[2020.11.02] 發表
【明報專訊】建造業係香港經濟重要支柱之一，今年係香港建造商會創會100周年，商會本月中將出版紀念刊物《建基百載》，介紹本港過去100年來100個具代表性嘅建築物或工程，希望畀讀者了解多啲唔同建築物建造期間面對嘅挑戰，亦為建造業留下歷史紀錄。商會將印刷中、英文版各1000本，分發畀會員、政府部門、公共圖書館等。
商會第一副會長林健榮同Emily分享，出版《建基百載》除咗係創會百年慶典活動，亦希望展示過去一世紀100個同香港一同發展、演變嘅工程。佢話過去100年香港興建嘅建築物同工程有好多，揀出100個要有取捨，入選建築物或工程由主題公園、大會堂、商業樓宇、公屋以至基建都有；唔同年代建築物有唔同特色，反映當時社會風格同文化背景，例如1920、30年代建築物較有英國殖民地特色，1960年代就較多包浩斯式建築物等。
林健榮又話，編製最重要係搵足夠資料，蒐集資料期間，發現部分建築物已經搵唔到係邊個承建商興建，「有發展商、設計師資料，但承建商是誰就不知」，因此都有一定困難，亦反映某程度上承建商喺香港社會未被廣泛認同，希望透過呢本書令讀者了解更多承建商嘅歷史。
更多港聞
【明報專訊】疫情下香港失業率升到6.4%，見近16年高位，畢業生同青年更首當其衝。僱員再培訓局最近推出「青年啟迪培訓證書」課程，幫助15至2...
詳情
研3萬公屋樹 尋植木良方 THEi分析30品種合適栽種位置
【明報專訊】本港每年有不少樹木因颱風暴雨吹襲而倒塌，而種植環境與塌樹風險有所關聯。高等教育科技學院（THEi）環境及設計學院環境學系副教授張... 詳情
【明報專訊】為提升未來教師的數碼及科技素養，教育大學與Microsoft（微軟）香港簽訂合作備忘，推動雙方合作，包括於教大「數學教育」及「資...
詳情
相關新聞
