【Emily】4人限聚令下 參選團隊拆散去報名
[2020.07.17] 發表
【明報專訊】立法會選舉聽日至31日接受提名，但政府新實施限聚令，唔准超過4人聚集，就令唔少參選人頭痛。選舉事務處同Emily講，報名參選屬政府公務等行為，屬限聚令嘅豁免活動，但進入辦事處報名前就唔屬豁免。以參選新東民建聯葛珮帆團隊為例，名單多達9人，所以佢哋要分3批行去辦事處，入到去先可以「合體」辦報名手續。
選舉處出咗交表注意事項，提醒報名防疫安排，措施包括限人數入場，如報名團隊有N人，只容許N+1名隨行者入內辦手續。
進入辦事處前，所有人要用酒精搓手液清潔雙手、量體溫，體溫高於38℃唔畀入。若參選人唔喺香港、病咗、正接受政府規定嘅檢疫或醫學監察等，而未能親自交表，須得到總選舉事務主任同意，先可以由獲授權代表代為交表。
更多港聞
相關新聞
