【Emily】教育panel特別會議流會 傾唔到教材 慢必諷葉劉「奸輸」
[2020.06.30] 發表
【明報專訊】立法會教育事務委員會噚日召開特別會議，討論幼稚園、中小學教科書及教材編製，惟會議未達法定人數而流會。今次特別會議備受爭議，因月初主席葉劉淑儀將召開特別會議嘅動議交委員表決，但動議喺未有通過下，葉太仍召開特別會議。對於流會，人民力量陳志全(慢必)形容係「奸有奸輸」、「葉劉急批鬥教科書，硬闖三關失敗」。
噚日會議僅10人出席，不足法定人數12個，民主派只得教育界葉建源在席。葉太同Emily講，民主派一定杯葛會議，因為唔想公開討論教材；建制派只有8、9人話可以出席，葉太自言有短訊懇請大家出席，認為議題好重要。
周五最後會議 或用半個鐘討論
至於未來會否再討論，葉太話無時間開特別會議，但本周五(7月3日)委員會最後一次開會，若其他議程非緊急，就會用半個鐘討論教科書、教材。
葉建源強調葉太噚日唔應該召開特別會議，因為議案無通過，批評葉太同新民黨容海恩希望搵出個別教材嘅紕漏、向教育界施加更大壓力；認為施壓、攻擊對教育發展同社會和諧有損無益，希望建制派停止。葉太就強調收到好多市民投訴教材，質疑民主派平時鍾意問責，無可能教師獨大唔接受社會監察，「如果冇問題，怕咩陽光下討論？」
更多港聞
【明報專訊】聽日係香港回歸23周年，政府將於灣仔金紫荊廣場舉行升旗儀式，之後喺會展搞慶祝酒會。過去都有市民趁七一升旗禮分別去示威同觀賞升旗，...
詳情
【Emily】話國安法如販毒例 EQ：市民唔覺有影響
【明報專訊】「港區國安法」仍未公布草案內容，公民黨主席梁家傑日前質疑，條例影響全港700萬人但條文連特首都未睇過。民建聯立法會議員葛珮帆（E... 詳情
【Emily】《文匯》點名「獨人」 劉頴匡：沒授權做代理人
【明報專訊】民主派下月舉行初選，《文匯報》噚日全版報道話有9名參選人「暗獨」、「提倡香港民族意識」等，其中被點名「獨人」嘅民間集會團隊發言人... 詳情相關新聞
