【Emily】建制因「俗稱『武漢肺炎』」退席 梁君彥准郭家麒提：無違規
[2020.05.21] 發表
【明報專訊】公民黨郭家麒噚日喺立法會大會提出有關新冠病毒嘅口頭質詢，用上正名之外，亦用括號列出病毒俗稱「武漢肺炎」，結果又引起民建聯、工聯會議員不滿，建制派無發言，有人仲退席。民建聯何俊賢即時提出規程問題，話口頭質詢涉歧視用詞，希望立法會主席梁君彥作出裁決同澄清，又擔心會令人以為係立法會咁樣稱呼呢個疾病。
梁君彥話，質詢內容只要無違反《議事規則》，佢都會盡量尊重議員嘅意願，批准議員提出，而郭家麒一併提出疾病嘅俗稱係屬於補充資料。何俊賢反駁，係咪可以隨便喺一個議員嘅名字之後加入俗稱。
陳恒鑌：可否稱郭「口臭庸醫」
佢嘅黨友陳恒鑌就話，如果唔處理呢個問題會後患無窮，又問可唔可以喺郭家麒個名後面加入「攬炒派、口臭庸醫」，再促梁君彥裁決。梁君彥重複着大家稍安毋躁，話郭家麒呢個用字經過立法會秘書處詳細研究，獲佢批准嘅。
何俊賢繼續喺位上大叫，「秘書處係咪要負責呢個問題呀？」梁君彥就鬧何俊賢：「請你唔好去指摘秘書處，秘書處係中立嘅。」郭家麒揶揄「崩口人忌崩口碗，唔好咁玻璃心」；衛生服務界議員李國麟就批評，建制派執著爭拗病毒名稱，選擇退席都唔監察政府防疫工作，令佢「大開眼界」。
更多港聞
【Emily】兩籌款活動無咗 公民黨眾籌250萬
【明報專訊】新冠病毒疫情打亂咗好多民主派政黨今年嘅籌款計劃。公民黨（下圖）噚日宣布，因為疫情影響，被迫取消維園年宵同籌款晚宴兩項主要籌款活動... 詳情
【Emily】「似考公開試」 人代一齊食飯單獨坐
【明報專訊】港區全國人大代表前日齊齊出發到深圳做核酸檢測，通過測驗後噚日已經抵達北京，入住北京飯店準備明日（周五）出席全國人大會議。有港區人... 詳情
【明報專訊】李梓敬、葉劉淑儀、容海恩三個人嘅關係近日有變化，李梓敬原來最近已加入新民黨，同不咬弦嘅容海恩成為「黨友」。李梓敬跳槽新民黨，係咪...
詳情
【明報專訊】屯區區議員張可森喺辦事處張貼告示，內容提及「革命」嘅特訓同行動，日前遭民政事務總署指涉違反《區議員及區議會轄下委員會成員操守指引...
詳情
相關新聞
